Małdova bolš nie budzie zakuplać pryrodny haz u «Hazprama», bo respublicy ŭdałosia atrymać bolš tanny haz z alternatyŭnych krynic. Pra heta 28 vieraśnia zajaviŭ kiraŭnik małdoŭskaha Minenierha Viktar Parlikaŭ na Jeŭraatłantyčnym forumie ŭstojlivaści ŭ Buchareście, piša RBK.
Fota: «Naša Niva»
«My bolš nie budziem zakuplać pryrodny haz u «Hazprama» na terytoryi, kantralavanaj kanstytucyjnymi ŭładami <…> Nam nie tolki ŭdałosia atrymać haz ź inšych krynic, my ŭvieś haz zakupili całkam ź jeŭrapiejskaha rynku», — zajaviŭ jon.
Parlikaŭ padkreśliŭ, što Małdovie ŭdałosia zrabić heta pa bolš nizkaj canie, čym u formule, prapisanaj u kantrakcie z «Hazpramam».
Sa słoŭ kiraŭnika Minenierha, Kišynioŭ bolš nie zaležyć całkam ad rasiejskaha hazu, jak heta było da 2021 hoda.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»6
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Małdovie treba adnaŭlać ŭładu na terytoryi akupavanaj rasiejcami Tranśnistryi aka PMR.
Tym bolš, što paśla taho, jak heta zrabiŭ Azierbajdžan u Karabachu pry poŭnaj biaździejnaści rasiejskich "miratvorcaŭ", a Pucin u čarhovy raz prahłynuŭ hibiel svaich vajskoŭcaŭ ("Ona utonuła") - ŭ Kramla niama ni vajskovych, ni palityčnych instrumientaŭ niejak supraćdziejničać adnaŭleńniu małdoŭskaha suviereniteta nad Tranśnistryjaj. Sumniajusia, što ŭ nasielnictva "PMR" isnuje vialiki entuzijazm baranić tamtejšuju maryjanietačnuju mafijozna-terarystyčnuju ŭładu, jakaja zajmajecca palityčnymi zabojstvami (apošnim vypadkam było zabojstva Aleha Choržana ŭ lipieni 2023). Prablema tolki ŭ palityčnaj voli ŭładaŭ Małdovy.