Ad palityčnych kantaktaŭ u Afrycy pakul niama tołku dla ekanomiki — Hałoŭčanka
Na naradzie, pryśviečanaj raźvićciu handlu z afrykanskimi krainami, premjer-ministr Raman Hałoŭčanka źviarnuŭ uvahu na šerah prablem, jakija nazirajucca ŭ hetaj śfiery, pryčym adny z asnoŭnych — źnižeńnie biełaruskaha ekspartu ŭ rehijon i adsutnaść novych vyhadnych prajektaŭ.
Jak zajaviŭ Hałoŭčanka, dobryja adnosiny z kiraŭnictvam niekatorych krain kantynienta, a taksama palityčnyja kantakty na najvyšejšym uzroŭni pakul nie dali kankretnych vynikaŭ u vyhladzie novych i paśpiachovych handlova-ekanamičnych prajektaŭ.
Bolš za toje — kiraŭnik urada paviedamiŭ navat pra niehatyŭny trend u handli Biełarusi z afrykanskimi krainami:
ekspart ajčynnych tavaraŭ u hetym kirunku ŭ 2022 hodzie skłaŭ usiaho tolki krychu bolš za 200 młn dalaraŭ, pryčym ciapier demanstruje niekatoruju tendencyju da źnižeńnia, što, pavodle jaho słoŭ, «asabliva tryvožna».
Samym vysokim hety pakazčyk byŭ u 2019 hodzie — 400 młn dalaraŭ.
Raman Hałoŭčanka adznačyŭ, što choć ekspart biełaruskich pasłuh u krainy Afryki sioleta vyras bolš čym udvaja, jon usio jašče zastajecca niaznačnym — usiaho kala 20 młn dalaraŭ.
«Nieabchodna prykłaści ŭsie namahańni, znajści patrebnyja instrumienty i formułu dla pierałomu niehatyŭnaj dynamiki ŭ supracoŭnictvie z krainami Afryki. Usie razmovy pra sankcyi, składanaści raźlikaŭ pakińcie pry sabie — možacie siońnia navat nie ahučvać», — zajaviŭ premjer.
Pry hetym Raman Hałoŭčanka vykazaŭ paprok u bok biełaruskaha Ministerstva zamiežnych spraŭ, bo viedamstva, maŭlaŭ, dla narady padrychtavała materyjały, u jakich adsutničali kankretnyja prapanovy pa pašyreńni supracoŭnictva z krainami Afryki.
Raniej vice-premjer Piatro Parchomčyk kazaŭ, što za apošnija 5 hadoŭ ekspart biełaruskaj pradukcyi ŭ Zimbabve vyras u 8 razoŭ. Pavodle jaho słoŭ, u kancy hetaha hoda pačniecca vykanańnie zaklučanych raniej kantraktaŭ na maštabnyja pastaŭki ŭ krainu biełaruskaj sielhastechniki: abaviazacielstvy pavinny vykanać za 2023-2025 hady.
«Z aeraporta pryjšłosia vybiracca na łodcy». Biełaruska praviała niekalki miesiacaŭ u Śjera-Leone i raskazvaje, što tam i jak
«Kultura Biełarusi vielmi padobnaja da tradycyj rodnaj Afryki». Inšaziemny tancor, jaki žyvie ŭ Minsku, raskazaŭ, za što lubić Biełaruś
Paśla śmierci Pryhožyna Zinhman sprabuje pierachapić achoŭnyja kantrakty «Vahniera» — krynicy
Minsk naviedajuć pradstaŭniki 14 afrykanskich dziaržaŭ
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary