Pra heta paviedamiŭ žurnalistam 11 śniežnia ŭ Minsku pieršy vice‑premjer Biełarusi Uładzimir Siamaška.
Pra heta paviedamiŭ žurnalistam 11 śniežnia ŭ Minsku pieršy vice‑premjer Biełarusi Uładzimir Siamaška, kamientujučy vyniki ŭčorašnich pieramovaŭ u ramkach vyšejšaje dziaržrady sajuznaj dziaržavy.
Pavodle słovaŭ Siamaški, jamu i vice‑premjeru RF Iharu Siečynu daručana da kanca hetaha hoda ŭrehulavać adnosiny dźviuch krain u hazavaj śfiery. «Jość razumieńnie taho, što treba znajści kampramis dla taho, kab realizavać pryncyp sinchronnaha vychadu na pryncyp roŭnaprybytkovaści da 2014‑2015 hodzie», — skazaŭ Siamaška.
Jon miarkuje, što pieramovy buduć niaprostymi. Razam z tym vice‑premjer padkreśliŭ: «Prynamsi, takaja dobraja vola i z boku prezidenta Rasii Dźmitryja Miadźviedzieva, i z boku premjer‑ministra Uładzimira Pucina na sustrečy była vykazanaja».
Nahadajem, zhodna z kantraktam pamiž AAT «Hazprom» i AAT «Biełtranshaz» ad 31 śniežnia 2006 hoda Biełaruś pavinna była vyjści na ŭzrovień cany na haz, roŭnadachodnyja z pastaŭkami ŭ Jeŭropu, z 2011 hoda.
Z 2011 hoda na roŭnadachodnyja ŭzrovień apłaty hazu płanavała vyjści i sama Rasija.
Adnak va ŭmovach hłabalnaha finansava‑ekanamičnaha kryzisu rasijski ŭrad adkładaje ŭviadzieńnie roŭnaprybytkovaści koštaŭ na ŭnutranym rynku. Heta dało Minsku padstavu nastojvać na zachavańni lhotnych cenaŭ na haz, t. k. Biełaruś i Rasija źjaŭlajucca častkami sajuznaj dziaržavy.
U 2009 hodzie siaredniaja cana na haz dla Biełarusi składaje 146 dalaraŭ za tysiaču kubamietraŭ.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy73
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary