Pryjazdžajcie sami. «Pašpartny ŭkaz» Łukašenki pačaŭ dziejničać u navučalnych ustanovach
Navučalnyja ŭstanovy pierastali vydavać dublikaty dakumientaŭ ab adukacyi, spasyłajučysia na normy ŭkaza Łukašenki. Pad abmiežavańni trapili vypuskniki i byłyja navučency, jakija pakinuli krainu. Im prapanujecca viarnucca i samim zabrać patrebnaje.
U takoj situacyi akazałasia byłaja studentka adnaho ź minskich univiersitetaŭ. Dziaŭčyna advučyłasia try kursy i vymušanaja była razam z baćkami ratavacca ad pieraśledu na radzimie.
Sioleta jana vyrašyła praciahnuć navučańnie za miažoj. Dla pastupleńnia patrebny atestat «Ab ahulnaj siaredniaj adukacyi» i vypiska z acenačnaj viedamaści, jak paćviardžeńnie taho, što jana vučyłasia va ŭniviersitecie.
Hetych dakumientaŭ nie addali svajačcy dziaŭčyny, arhumientujučy admovu ŭkazam Łukašenki №278 «Ab paradku vydačy dakumientaŭ i vykanańni dziejańniaŭ».
Davieranaść, jakuju zrabiła za miažoj byłaja studentka, u biełaruskaj VNU nazvali niesapraŭdnaj. Supracoŭniki administracyi prapanavali dziaŭčynie samoj pryjechać pa nieabchodnaje joj.
Baćki pierakananyja, što dačka ź Biełarusi nie vierniecca.
Pra toje, što dakumienty ab adukacyi nielha atrymać pa davieranaści, aformlenaj za miažoju, paćvierdzili ŭ BDU. Tam zajavili, što «na siońnia krychu źmianiłasia zakanadaŭstva». Pa takija dakumienty treba pryjazdžać samomu byłomu studentu albo ich addaduć inšaj asobie pa davieranaści, aformlenaj nataryjalna ŭ Biełarusi, patłumačyli ŭ navučalnaj ustanovie.
U Biełaruskim dziaržaŭnym ekanamičnym univiersitecie spačatku supracoŭnica adździeła kadraŭ skazała, što atrymać dakumienty pa zamiežnaj davieranaści, pierakładzienaj na ruskuju movu, možna, a potym paśla padkazki kaleh zajaviła, što nielha. Arhumientavać čamu nie stała.
U BDUIR nie bačać pieraškod u tym, kab vydać dakumienty ab adukacyi pa davieranaści, aformlenaj za miažoju. Hałoŭnaje, kab jana była pierakładzienaja na ruskuju movu. Na zhadku pra ŭkaz Łukašenki supracoŭnica ŭniviersiteta adreahavała:
«Jon nie tyčycca nas. Jašče raz paŭtaraju: u nas možna atrymać dakumienty. Nam tak skazali jurysty».
U «pašpartnym» ukazie Łukašenki pieraličvajucca nataryjalnyja funkcyi, jakich pazbavilisia konsulstvy.
Adukacyja značycca ŭ dadatku da ŭkaza pad siomym numaram. Z tłumačeńnia vynikaje, što pa dakumienty ab adukacyi, dadatki da ich i ich dublikaty treba źviartacca asabista ci z aformlenaj u Biełarusi davieranaściu.
Ukaz Łukašenki nabyŭ moc 7 vieraśnia i istotna ŭskładniŭ žyćcio hramadzianam Biełarusi za miažoju. Asnoŭny jaho punkt — zabarona na vydaču i zamienu pašpartoŭ u biełaruskich konsulstvach za miažoj. Ukaz nazyvajuć krokam u kirunku pazbaŭleńnia biełaruskich emihrantaŭ biełaruskaha hramadzianstva.
«Naša Niva» — bastyjon biełaruščyny
PADTRYMAĆBieź dziejnaha pašparta znachodžańnie biełarusaŭ za miažoj stanie niezakonnym. Voś što možna zrabić z hetym tym, chto žyvie ŭ Polščy ci Litvie
«My pracujem, kab biełarusy nie zastalisia biez pašpartoŭ» — Cichanoŭskaja
«Patelefanavali ź Biełarusi i skazali anulavać». Biełarusy raskazali, jak mianiali i praciahvali dziejańnie biełaruskaha pašparta ŭ Polščy
U Litvie źbirajucca pradoŭžyć termin dziejańnia pašpartoŭ inšaziemcaŭ dla biełarusaŭ
Kamientary
ja druhoj takoj strany nie znaju,
jakaja b tak ździekvałasia sa svaich hramadzian
A inačie s hołoj žopoj v Jevropu.