Ofis Cichanoŭskaj pradstaviŭ prajekt Kancepcyi kampiensacyj represavanym
Ofis Śviatłany Cichanoŭskaj razam z pravaabaroncami, jurystami, niaŭradavymi arhanizacyjami raspracavaŭ prajekt Kancepcyi kampiensacyi škody asobam, represavanym u pieryjad režymu Alaksandra Łukašenki. Dakumient raźmieščany na sajcie Cichanoŭskaj.
«Meta Kancepcyi — adnaŭleńnie spraviadlivaści dla tych, chto sutyknuŭsia z represijami i parušeńniami pravoŭ čałavieka padčas praŭleńnia Łukašenki», — havorycca ŭ anonsie prajekta.
Dakumient maje namier adnavić spraviadlivaść paśla złačynstvaŭ, jakija ździajśniaŭ režym Łukašenki ad pačatku jaho praŭleńnia z 1994 hoda.
Jon nakiravany na kampiensacyju škody paciarpiełym praz adnaŭleńnie ich u pravach. Kancepcyjaj taksama praduhledžany hrašovyja vypłaty albo lhoty, kali adnaŭleńnie ŭ pravach hetaha patrabujuć. Jana tyčycca nie tolki asob, jakija paciarpieli ad represij, ale i ich blizkich svajakoŭ i niepaŭnaletnich.
Kancepcyja praduhledžvaje źmieny ŭ zakanadaŭstvie — u tym liku dekryminalizacyju niekatorych artykułaŭ Kryminalnaha kodeksa.
Akramia taho, u asnovie Kancepcyi lažyć pryznańnie statusu nievinavataści represavanych asob.
«Kancepcyja — nie prosta krok da spraviadlivaści, ale padmurak novaj jurydyčnaj sistemy, u jakoj pravy i svabody hramadzian buduć pavažacca i abaraniacca», — pišuć raspracoŭščyki.
Ofis prosić pra zvarotnuju suviaź.
Ciapier čytajuć
Stała viadoma pra aryšt papularnaj mastački Aksany Šalapinaj3
Kamientary
Redakcyja, napišycie kali łaska pra heta asobnuju natatku i daviadzicie da ludziej u Ofisach, Kabinietach i Štabach. Bo heta, faktyčna, fišynh, chaj i nienaŭmysny.
Red. Pieradali. Jany adpisali, što vypravili i ŭličyli.