Ukrainskija śpiecsłužby śćviardžajuć, što ŭdaryli ŭčora pa vajskovaj čaści ŭ Krymie, dzie byli rasijskija hienierały
Krynicy vydańnia «Ukrainskaja praŭda» ŭ Słužbie biaśpieki Ukrainy śćviardžajuć, što ŭ vyniku ataki na kamandny punkt Čarnamorskaha fłotu RF u rajonie Sievastopala ranicaj 20 vieraśnia była likvidavana žyvaja siła i źniščany darahija vajskovyja sistemy.
Paviedamlajecca, što śpiecapieracyju praviali supolna SBU, Pavietranyja siły i VMS USU. Rakietny ŭdar byŭ ździejśnieny paśla taho, jak SBU paćvierdziła, što ŭ vajskovaj čaści znachodziacca kamandziry rasijskaha fłotu, jakija vyznačyli bazu zapasnym kamandnym punktam.
Dniom 20 vieraśnia stała viadoma pra vybuchi ŭ akupavanym Krymie. Pryznačanyja Rasijaj ułady zajavili pra adbituju rakietnuju ataku, a ŭkrainskaja raźviedka — pra paśpiachovuju.
Paćviardžeńnia ni pieršaj, ni druhoj viersii na hety momant niama.
Siońnia rankam Minabarony RF paviedamiła pra maštabnuju ataku dronaŭ na Krym. Pavodle rasijskaha boku, siły ich SPA źniščyli nad akvatoryjaj Čornaha mora i Krymam 19 ukrainskich bieśpiłotnikaŭ samalotnaha typu. Taksama BPŁA byli źbityja ŭ Kurskaj, Biełharodskaj i Arłoŭskaj abłaściach.
-
Uitkaf raskazaŭ, jakija čatyry dakumienty abmiarkoŭvali na pieramovach z Ukrainaj
-
Pad Słuckam budujuć sakretny vajskovy zavod — źbirajucca rabić 240 tysiač snaradaŭ štohod dla patreb Rasii
-
Rasijanie pierajšli miažu i prymusova vyvieźli z Sumskaj vobłaści bolš za 50 cyvilnych asob, najstarejšaj žančynie 89 hadoŭ
Kamientary