Ministr abarony Kitaja adchileny ad pasady i znachodzicca pad śledstvam. Miesiac tamu jon prylataŭ u Minsk
Li Šanfu nie źjaŭlaŭsia na publicy ŭžo bolš za dva tydni.
Ministr abarony Kitaja Li Šanfu adchileny ad pasady i znachodzicca pad śledstvam, da takich vysnoŭ pryjšła raźviedka ZŠA, piša RBK sa spasyłkaj na Financial Times, jakaja ŭ svaju čarhu spasyłajecca na troch amierykanskich čynoŭnikaŭ i dźviuch asob, znajomych sa źviestkami raźviedki.
FT nazyvaje situacyju «čarhovaj prykmietaj chaosu siarod elitnych siabroŭ vajennaha i zamiežnapalityčnaha isteblišmientu Piekina».
Li Šanfu nie źjaŭlaŭsia na publicy ŭžo bolš za dva tydni. Ministr mieŭsia prysutničać 7-8 vieraśnia na štohadovym schodzie ŭ abaronnym supracoŭnictvie Vjetnama i Kitaja, ale za dva dni admoviŭsia ad pajezdki «praz stan zdaroŭja», raspaviali krynicy Reuters siarod vjetnamskich čynoŭnikaŭ.
Li Šanfu zaniaŭ pasadu ministra abarony kala paŭhoda tamu — 12 sakavika 2023 hoda.
Jon z 2018 hoda znachodziŭsia pad amierykanskimi sankcyjami ŭ suviazi z kuplaj źniščalnikaŭ Su-35 i kompleksaŭ C-400 u Rasii. Hienierał byŭ blizki da kitajskaha lidara Si Czińpina. Hetym tłumačycca jaho imklivaje ŭzychodžańnie pa karjernaj leśvicy.
Raniej letam na publicy doŭhi čas nie źjaŭlaŭsia kiraŭnik kitajskaha MZS Cyń Han, heta taksama tłumačyli «stanam zdaroŭja», paśla ŭłady paviedamili, što taho źniali z pasady. Pavodle adnoj ź viersij, pryčynaj stała ramantyčnaja suviaź z hankonhskaj teležurnalistkaj Fu Siaaciań.
Li Šanfu pryjazdžaŭ 16 žniŭnia ŭ Minsk, i Łukašenka navat nazvaŭ jaho samaj miedyjnaj asobaj śvietu. Taksama kitajski hienierał sustrakaŭsia ź ministram abarony Viktaram Chreninym.
Na hetym tydni anansavaŭsia vizit u Kitaj Viktara Chrenina.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary
Miarkuju jak u kamuniak zausiedy pačali " rieviziziju" vojska i..akramia paradnych dzievak rakiet tankau ničoha nima .U vajennyje Kitaja biaruć iduć samyja abiazdolennyja adaronnyja Dośvied bajevy 79 ź V́jetnamam sumny..Viartańnie da maO pryviadzie Ćzin Pinia da ..źniknieńnia " varabjeu" ..Ptušku škada