68-hadovy futbalist pra debiut na poli: Mianie jašče paznavata vypuścili! Ja rvaŭsia ŭ boj raniej
Siarhiej Novik, jaki ŭziaŭ udzieł u matčy druhoj lihi suprać «Mastoŭ», raskazaŭ Football.by, jak jamu daviałosia vyjści na pole ŭ składzie «Smarhoni-2».
— Siarhiej Hienadzievič, pryznajciesia, chvalavalisia pierad vychadam?
— Ja ž rychtavaŭsia. Dy i dośvied u mianie bahaty, tak što chvalavańnia amal nie było. I chłopcaŭ ja viedaju: my razam trenirujemsia. Pra adno pieražyvaŭ: chacieŭ dobra ŭvajści ŭ hulniu, nidzie nie pamylicca, kab nie padvieści kamandu. Atrymałasia 50 na 50.
— A čamu vyrašyli naohuł zhulać?
— Ja daŭno znachodžusia ŭ zbornaj vobłaści siarod vieteranaŭ «40+» i «60+». My čempijony vobłaści dva hady zapar. Ja praktyčna dva hady nie pakidaju pola. Pačuvajusia dobra! A tut źjaviłasia kamanda druhoj lihi, ź jakoj my razam trenirujemsia. Voś i padumaŭ: a čamu b nie prasłavić našu Smarhoń?! U nas futboł na ŭzdymie, smarhoncy lubiać futboł. Tamu i vyrašyŭ rekord Juryja Pudyšava (zhulaŭ u 56 hadoŭ za «Dynama» Brest u «vyšcy») i Mikałaja Miatlickaha (zhulaŭ za «Zabudovu» ŭ druhoj lizie ŭ 55 hadoŭ) pieravieźci ŭ naš horad! Ja ž kandydat u majstry sportu pa futbole! Daŭno-daŭno ŭ składzie amatarskaj kamandy ŭ Škłovie hulali ŭ finale respublikanskaha turniru siarod amatarskich kamand. Za heta i prysvoili zvańnie KMS.
— Nakolki daŭno-daŭno heta było?
— U 1999 hodzie.
— Nie tak i daŭno.
— Ja tady byŭ druhim trenieram «Smarhoni». Adkazvaŭ za dubl, kali tak možna skazać. Kamanda ŭ nas padabrałasia kłasnaja. My ŭ dvuchbakoŭkach asnovie amal nie prajhravali i naohuł byli na vielizarnym uzdymie: navat čempijanat vobłaści vyjhravali.
— Zhulali siem chvilin. Chapiła sił?
— Cha! Mianie jašče paznavata vypuścili! Ja rvaŭsia ŭ boj raniej! Na treniroŭkach biehaju z usimi na roŭnych. Ale tut aficyjnaja hulnia: my prajhravali, treba było zraŭniać lik («Masty» ŭ vyniku pieramahli 1:0. — «NN»). Tamu partniory. A tak ja hatovy byŭ!
— Kamandzie treba budzie zhulać jašče dźvie sustrečy. Moža, na tajm vyjdziecie abo ŭvohule ŭ starcie?
— Nastupny matč prapušču — vieteranski turnir u nas. A voś u apošniaj chatniaj sustrečy siezona z «Biełkardam» płanuju vyjści, pabiehać i viecier pahaniać.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary