Ukraincy prarvali pieršuju liniju abarony, na jakuju rasijanie vydatkavali 60% času i resursaŭ
Kamandujučy apieratyŭna-stratehičnaj hrupoŭki vojskaŭ «Taŭryja» Alaksandr Tarnaŭski ŭ intervju The Observer zajaviŭ, što rasijanie vydatkavali 60% svajho času i resursaŭ na ŭźviadzieńnie pieršaj linii abarony, i tolki pa 20% na druhuju i treciuju. Ciapier ukrainskija abaroncy nastupajuć pa abodva baki praryvu i zamacoŭvajucca na advajavanych terytoryjach.
«Na maju dumku, rasijanie ličyli, što ŭkraincy nie prarvucca praz hetuju (pieršuju) liniju abarony. Jany rychtavalisia bolš za hod. Jany zrabili ŭsio, kab hety ŭčastak byŭ dobra padrychtavany», — skazaŭ Tarnaŭski.
Pavodle jaho słoŭ, USU zaraz znachodziacca pamiž pieršaj i druhoj abarončymi linijami. «U centry nastupleńnia my zaviaršajem źniščeńnie varožych padraździaleńniaŭ, jakija prykryvajuć adychod rasijskich vojskaŭ za ich druhuju liniju abarony», — skazaŭ jon.
Tarnaŭski padkreśliŭ, što kontrnastupleńnie strymlivała pabudavanaje rasijanami vializnaje minnaje pole. Za im rasijskija vojski «prosta stajali i čakali ŭkrainskuju armiju», padbivajučy ŭkrainskuju techniku.
«Jak tolki tam (na pieršaj linii abarony) zjaŭlałasia lubaja technika, rasijanie adrazu pačynali jaje abstrelvać i źniščać. Tamu raźminiravańnie pravodziłasia tolki piachotaj i tolki nočču», — padkreśliŭ jon.
Ciapier, kali minny barjer pieraadoleny, rasijanie vymušany manieŭravać i pieradysłakavać svaje siły. «Vorah padciahvaje reziervy nie tolki z Ukrainy, ale i z Rasii», — adznačyŭ Tarnaŭski.
Adnak jon upeŭnieny, što rana ci pozna ŭ rasijan nie chopić sił, što daść mahčymaść abaroncam nastupać chutčej. Ciapier, kali minnaje pole prarvana, rasijanie stracili značnuju častku svajoj pieravahi.
«Isnuje vielmi vialikaja roźnica pamiž pieršaj i druhoj linijaj abarony», — skazaŭ Tarnaŭski.
Jon rastłumačyŭ, što druhaja linija nie tak dobra pabudavana, tamu ŭkraincy mohuć vykarystoŭvać svaju techniku, chacia tam usio jašče jość minnyja pali.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś4
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary