Čynoŭnik rasijskaha Minkultury skraŭ na rekanstrukcyi Ermitaža 12 miljonaŭ dalaraŭ
Barysu Mazo dali vosiem z pałovaj hadoŭ kałonii.
Kujbyšaŭski rajonny sud Sankt-Pieciarburha prysudziŭ byłoha dyrektara departamienta kiravańnia majomaściu i inviestycyjnaj palityki Minkultury Rasii Barysa Mazo da 8,5 hadoŭ kałonii ahulnaha režymu i štrafu 600 tysiač rubloŭ (6300 dalaraŭ) pa spravie ab machlarstvie, paviedamlaje telekanał «Dožd́».
Mazo prachodziŭ u jakaści adnaho z abvinavačanych pa «spravie restaŭrataraŭ». Jaho razam z namieśnikam ministra kultury Ryhoram Pirumavym abvinavačvali ŭ kradziažy bolš jak 900 miljonaŭ rubloŭ (tady heta było amal 14 młn dalaraŭ) biudžetnych hrošaj pry rekanstrukcyi Ermitaža ŭ 2015 hodzie.
Pavodle viersii śledstva, Mazo ź Pirumavym stvaryli «złačynnuju supołku», u skład jakoj uvajšli jašče niekalki čałaviek, i, zaklučyŭšy dziaržkantrakt na budaŭnictva kompleksu budynkaŭ i fondaschovišča Ermitaža z padkantrolnaj im kampanijaj «Miechbudtrans», atrymali bolš za 900 młn rubloŭ (14 młn dalaraŭ). Z hetaj sumy im udałosia lehalizavać amal 800 młn rubloŭ (12,3 młn dalaraŭ).
U 2018 hodzie Mazo byŭ zavočna aryštavany Basmannym sudom i abvieščany ŭ mižnarodny vyšuk. U listapadzie 2019 hoda Mazo zatrymali ŭ Vienie pa padazreńni ŭ admyvańni hrošaj pry kupli elitnaj nieruchomaści ŭ ispanskaj Marbielji. Na nastupny dzień sud vyzvaliŭ jaho pad zakład u 25 tysiač jeŭra. Pa słovach jaho advakata, Mazo pierajechaŭ u Aŭstryju na lačeńnie jašče da kryminalnaj spravy suprać jaho ŭ Rasii.
U 2021 hodzie Mazo byŭ ekstradavany ŭ Rasiju na zapyt Hienprakuratury. Mazo ŭ sudzie viny nie pryznaŭ.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary