Biełaruś stała adnym z punktaŭ apracoŭki rasijskich ałmazaŭ u abychod sankcyj — The New York Times
Pavodle infarmacyi vydańnia, Rasija atrymała niaznačny ŭron ad zachodnich sankcyj na prodaž jaje ałmazaŭ, a dziakujučy Biełarusi i inšym krainam uvohule moža viarnucca na davajenny ŭzrovień ekspartu.
Rasija pry dapamozie Biełarusi i inšych krain praciahvaje masava pradavać svaje ałmazy na suśvietnym rynku, niahledziačy na sankcyi Zachadu. Ab hetym napisała vydańnie The New York Times.
Pavodle vydańnia, uviedzienyja Zachadam abmiežavańni prynieśli niaznačny efiekt, bo jany tyčacca tolki nieapracavanych rasijskich ałmazaŭ albo tych ałmazaŭ, jakija byli apracavany i adpaliravany vyklučna ŭ Rasii.
U toj čas, kali aficyjnyja danyja ŭkazvajuć na mocnaje źnižeńnie ekspartu rasijskich ałmazaŭ z-za sankcyj, realnyja pakazčyki fiksujuć, što Rasija handluje i apracoŭvaje ałmazy pad čužymi ściahami, a taksama zdolna viarnucca na davajenny ŭzrovień ich pastavak.
«Pavodle aficyjnych danych Mižnarodnaha ałmaznaha centra ŭ Bielhii, paśla pačatku vajny va Ukrainie ŭzrovień pastavak nieapracavanych ałmazaŭ z Rasii źniziŭsia na 95%, adnak nasamreč Rasija pačała apracoŭvać ich u Indyi — najbujniejšym u śviecie miescy dla apracoŭki hetych kaštoŭnych kamianioŭ. I pa vyniku rasijskija ałmazy naminalna mohuć stanavicca indyjskimi dla nastupnaha prodažu klijentam u abychod sankcyj.
U hetaj ža schiemie ŭdzielničajuć Biełaruś i Armienija, jakija paśla ŭviadzieńnia antyrasijskich sankcyj uziali na siabie častku rabot pa paliroŭcy i apracoŭcy rasijskich ałmazaŭ», — paviedamlaje vydańnie The New York Times.
Vydańnie taksama dzielicca infarmacyjaj, što, uličvajučy niaznačny efiekt ad dziejnych abmiežavańniaŭ, novyja sankcyi na rasijskija ałmazy ŭžo ŭ vieraśni mohuć być uviedzieny krainami G7, jakija składajuć 70% klijentaŭ Rasii ŭ dadzienym pytańni.
Heta choć i nie adrazu, ale zmoža nanieści surjoznuju škodu Rasii.
«Novyja sankcyi pavinny buduć zakryć isnyja sposaby abychodžańnia abmiežavańniaŭ, adnak efiekt moža stać adčuvalnym tolki praz hady, bo spatrebicca «maštabnaja pierabudova isnych mietadaŭ handlu ałmazami i ŭviadzieńnie inavacyjnych technałahičnych instrumientaŭ błakčejnu i adsočvańnia pieramiaščeńnia kaštoŭnych kamianioŭ», — adznačaje New York Times.
Nahadajem, što Rasija źjaŭlajecca najbujniejšym eksparcioram ałmazaŭ u śviecie, tamu navat paśla pačatku vajny va Ukrainie niekatoryja zachodnija krainy nie śpiašalisia ŭvodzić adpaviednyja abmiežavańni z-za niežadańnia hublać klijentaŭ i pahrozy ŭzmacnieńnia pazicyj ich kankurentaŭ na rynku.
ES pašyryŭ sankcyi suprać Biełarusi dla baraćby z abychodam abmiežavańniaŭ, jakija dziejničajuć suprać Rasii
U Biełarusi i Rasii paviedamlajuć pra pavalnuju dedalaryzacyju śvietu. A što na hety kont kaža statystyka?
Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary