U ziamnoj kary vyjaŭleny kvadryljon ton ałmazaŭ — dastać ich niama jak
Navukoŭcy z Masačusieckaha technałahičnaha instytuta (MIT) vyśvietlili, što ŭ ziamnoj kary schavana kala kvadryljona ton ałmazaŭ. Adnak dastać ich naŭrad ci ŭdasca, havorycca ŭ paviedamleńni na sajcie instytuta.
Daśledčyki vyjavili radoviščy ałmazaŭ u vyniku «praśviečvańnia» pavierchni Ziamli hukavymi chvalami. Daŭžynia takich chvalaŭ źmianiajecca ŭ zaležnaści ad tempieratury i ščylnaści rečyva. U vyniku ekśpierymientu navukoŭcam atrymałasia skłaści madel budovy litaśfiery - ćviordaj abałonki płaniety.
Zapasy ałmazaŭ znachodziacca ŭ kratonach - učastkach ziamnoj kary, jakija ŭtvarajuć kantynienty i raźmieščanych u centralnaj častcy plit.
Kaštoŭnyja kamiani zalahajuć na hłybini ŭ 140-240 km ad pavierchni Ziamli. Pakul čałavieku niedastupnaje bureńnie na takija hłybini tamu vyniać ałmazy na hetym etapie raźvićcia niemahčyma, adznačajuć u MIT.
«Daśledavańnie pakazvaje, što ałmaz, mahčyma, nie nastolki ekzatyčny minierał: naadvarot, u hieałahičnym maštabie jon davoli pašyrany. Viadoma, dabracca da hetych ałmazaŭ my nie možam, ale ich značna bolš, čym my mierkavali raniej», — kažuć navukoŭcy.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim16
Kamientary