Sudździa z AAN zaklikaŭ Vialikabrytaniju zapłacić reparacyi za kałanijalny handal rabami
Suma moža być astranamičnaj.
Adzin ź viadučych sudździaŭ Mižnarodnaha suda AAN Patryk Robinsan, jaki raniej byŭ staršynioju ŭ sudzie nad byłym prezidentam Juhasłavii Słabadanam Miłošavičam, zaklikaŭ Vialikabrytaniju vypłacić reparacyi za handal rabami, jaki adbyvaŭsia ŭ kałanijalnuju epochu, bo ŭ śviecie ŭsio macniej bačnaja tendencyja aficyjnaha pryznańnia svaich pamyłak u hetym pytańni. Takoje mierkavańnie Robinsan vykazaŭ u intervju vydańniu The Guardian.
Sudździa adznačyŭ, što za inšyja złačynstvy Vialikabrytanija vypłačvała kampiensacyi značna chutčej, čym adnosna transatłantyčnaha rabstva, jakoje ŭłasna jon ličyć «najvialikšym złačynstvam u historyi čałaviectva».
«Vialikabrytanija nie moža praciahvać ihnaravać najvialikšaje złačynstva, jakoje śviedčyć ab nialudskaści čałavieka ŭ adnosinach da čałavieka. Ja liču, što Vialikabrytanija nie moža supraćstajać mižnarodnamu ruchu pa vypłacie reparacyj: hetaha patrabuje historyja i hetaha patrabuje zakon», — zajaviŭ sudździa Mižnarodnaha suda AAN Patryk Robinsan vydańniu The Guardian.
Jak adznačaje vydańnie, kančatkovaja suma reparacyj moža skłaści 24 tryljony dalaraŭ (što praktyčna ekvivalentna pamieru ŭsiaho publičnaha dziarždoŭhu ZŠA, abo paŭtara VUP usiaho Jeŭrasajuza. — «NN»).
Sudździa dadatkova padkreśliŭ, što reparacyi mohuć być vypłačanyja nie adrazu, a pastupova ciaham 10—25 hadoŭ. Robinsan taksama dapuściŭ, što ŭ vypadku admovy Vialikabrytanii vypłačvać kampiensacyju, pytańnie moža być pieraadrasavana ŭ mižnarodnyja sudovyja instancyi.
Sam Patryk Robinsan naradziŭsia na Jamajcy, jakaja najbolš paciarpieła siarod 31 krainy, ź jakich vyvozilisia niavolniki ŭ kałanijalnuju epochu. I adna tolki Vialikabrytanija pavinna zapłacić 24 tryljony dalaraŭ u vyhladzie reparacyj, ź jakich amal 10 miljonaŭ pavinny dastacca mienavita Jamajcy. Pry hetym raźliki vialisia za ŭvieś pieryjad transatłantyčnaha pryhniotu, a heta sotni hadoŭ.
The Guardian nahadvaje, što jašče ŭ krasaviku hetaha hoda premjer-ministr Vialikabrytanii Ryšy Sunak admoviŭsia prasić prabačeńnia za ŭdzieł Vialikabrytanii ŭ handli rabami i ŭziać adkaznaść za vypłatu reparacyj achviaram. Pradstaŭniki Mižnarodnaha suda AAN spadziavajucca, što palityk pierahledzić svaju pazicyju i pytańnie vyrašycca praz dyjałoh, a nie ŭ sudzie.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju6
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary