Aŭtobus z pasažyrami ź Biełarusi źjechaŭ u kiuviet u Kałužskaj vobłaści Rasii
Da miesca DTZ prybyŭ evakuatar, ale jon nie zdoleŭ vyciahnuć aŭtobus nazad na darohu.
Pasažyrski aŭtobus, jaki jechaŭ ź Biełarusi z 25 pasažyrami ŭ sałonie, źjechaŭ u kiuviet na trasie M-3 u Kałužskaj vobłaści ŭviečary 24 žniŭnia, paviedamiŭ u svaim telehram-kanale hubiernatar rehijonu Mikałaj Kaliničoŭ.
«Pasažyry čakajuć mahčymaści praciahnuć darohu ŭ kaviarni pobač. Na miescy pracujuć supracoŭniki Dziaržinśpiekcyi biaśpieki darožnaha ruchu i MNS. Ludziam prapanavanaja ŭsia nieabchodnaja dapamoha, ale pakul u joj patreby niama», — apieratyŭna ŭdakładniŭ jon.
Da miesca zdareńnia vyjechaŭ v. a. prakurora Baroŭskaha rajona Alaksandr Novikaŭ, jaki sustreŭsia z kiroŭcam i pasažyrami. Jany raspaviali pra abstaviny DTZ.
Jak adznačyła pasažyrka, jakaja jechała na adnym ź miescaŭ u piaredniaj častcy sałona, bolšaść pasažyraŭ spała ŭ momant avaryi, ale jana dobra ŭsio bačyła. Aŭtobus pačaŭ rezka tarmazić z-za fury, jakaja niečakana «ŭkliniłasia» prosta pierad aŭtobusam, piša Tochka.by.
«Daroha mokraja, kiroŭcu pryjšłosia źjechać u kiuviet, kab nie ŭrezacca ŭ jaje. Fura prosta padrezała i źjechała», — raspaviała jana.
Ab paciarpiełych u avaryi nie paviedamlajecca. Miarkujučy z numaroŭ, z Maskvy aŭtobus jechaŭ u Homielskuju vobłaść.
Kala vaśmi hadzin ranicy 25 žniŭnia prakuratura Kałužskaj vobłaści paviedamiła, što aŭtobus dastali z kiuvieta, jon spraŭny, usie pasažyry praciahnuli svoj maršrut u Biełaruś.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia2
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary