Cimanoŭskaja prabiehła 200 mietraŭ ź simvaličnym vynikam 23.34 i straciła prytomnaść
U paŭfinale na čempijanacie śvietu pa lohkaj atletycy ŭ Budapiešcie biełaruska, jakaja vystupaje za Polšču, prybiehła 8-j i nie trapiła ŭ finał, ale pakazała simvaličny vynik — 23.34 siekundy.
«Heta sport. Na žal, ja straciła prytomnaść paśla finišu i ničoha nie pamiataju, — napisała ŭ svaim instahramie Kryścina. — Paśla 150 mietraŭ usio było jak u tumanie».
Na dystancyi 100 mietraŭ Cimanoŭskaja taksama nie zdoleła prabicca ŭ finał.
Zastałasia dla Kryściny tolki adna dyscyplina: estafieta 4 pa 100 mietraŭ.
Čempijanat śvietu skončycca ŭ niadzielu.
Kryścina Cimanoŭskaja padčas Alimpijskich hulniaŭ u Tokia ŭ 2021 hodzie raskrytykavała kiraŭnictva biełaruskaj kamandy za toje, što jaje razam ź inšymi spartoŭkami chacieli pastavić biehčy estafietu na toj dystancyi, jakuju jana nikoli nie biehała (jana zajaŭlałasia na 100 i 200 mietraŭ).
Paśla taho jaje adchilili ad spabornictvaŭ i sprabavali vyvieźci ŭ Biełaruś, ale jana admoviłasia pakinuć Japoniju i paprasiła mižnarodnaj abarony. Paźniej spartsmienka pierajechała ŭ Polšču i atrymała hramadzianstva hetaj krainy.
Artykuł 23.34 Kodeksa ab administracyjnych pravaparušeńniach (u novaj redakcyi heta ŭžo 24.23) vyznačaŭ parušeńnie «paradku arhanizacyi abo praviadzieńnia masavych mierapryjemstvaŭ».
Pa hetym artykule ŭ 2020-2021 hadach prajšli tysiačy čałaviek. Taksama ŭ 23 hadziny 34 chviliny zapuskalisia fiejervierki i saluty.
Kamientary