Abnoŭlenaja Lada Vesta, novy brend ź Irana i Kitaja. Biudžetnyja aŭto ŭ biełaruskich aŭtasałonach
Druhaja pałova žniŭnia akazałasia nasyčanaj na aŭtamabilnyja navinki ŭ biudžetnym siehmiencie. U sałony «Łada» pastupili ŭ prodaž Lada Vesta NG, u Minsku adkryli šourum iranskaha brenda Saipa, a na zavodzie «Junisan» chutka pačnuć vypuskać krasoviery jašče adnaho kitajskaha brenda.
Biestseler znoŭ u prodažy
U dyleraŭ Lada ŭ prodažy źjaviłasia abnoŭlenaja Vesta — Vesta NG. Jana stanie adnym z samych tannych aŭtamabilaŭ, jakija možna kupić novymi ŭ Biełarusi. Ceny na Vesta NG pačynajucca z 44 100 rubloŭ, što pa biahučym kursie składaje kala 14 tysiač dalaraŭ ZŠA. Stolki kaštuje aŭtamabil u kuzavie siedan u pačatkovaj kamplektacyi Comfort. Za kamplektacyju Life pryjdziecca vykłaści 45 400 rubloŭ (≈$14 450) i 49 tysiač rubloŭ roŭna (≈$15 600) za viersiju Enjoy.
Źjaŭleńnie ŭ prodažy abnoŭlenaj Vesta možna nazvać znakavaj padziejaj, bo mienavita Lada Vesta była samym pradavanym novym lehkavikom u Biełarusi, pačynajučy z 2018 hoda.
Najbližejšy kankurent «Viesty» — biełaruska-kitajski siedan Geely Emgrand. Ceny na jaho pačynajucca z 49 200 rubloŭ (≈$15 650) za aŭto ŭ kamplektacyi Standart ź miechaničnaj KPP. I ad 56 900 rubloŭ (≈$18100) za aŭto z AKPP u kamplektacyi Flagship. Adznačym, što ŭ adroźnieńnie ad Geely Emgrand Lada Vesta NG prynamsi pakul dasiažnaja tolki z MKPP.
Pryvitańnie ź Irana 2.0
U teoryi, kankurencyju rasijskaj Lada aproč biełaruska-kitajskaj Geely moža skłaści iranski brend Saipa. Pieršy šourum jakoha adkryli ŭ Minsku. Dakładnyja ceny pakul nie viadomyja, ale raniej ahučvali, što samyja dastupnyja Saipa buduć tańniej za $13 tysiač. Pry ŭmovie, što aŭtamabili buduć źbirać u Biełarusi. Nakolki viadoma — na zavodzie «Junisan» pad Minskam sapraŭdy źbirajucca zapuścić vytvorčaść iranskich aŭto.
Nahadajem, što kali zadumanaje ździejśnicca, to heta budzie ŭžo druhaja sproba Irana i Biełarusi naładzić vytvorčaść iranskich aŭto ŭ našaj krainie. Pieršaja sproba pośpiecham nie ŭviančałasia.
Aŭtamabili Iran Khodro Samand vyrablalisia ŭ Biełarusi z 2007 hoda. U 2007-m płanavali sabrać 6000 mašyn, a ŭ pierśpiektyvie — 50-60 tysiač mašyn u hod, ale niešta pajšło nie tak. Vytvorčaść była zhornutaja ŭ 2013 hodzie.
Kitaizacyja aŭtarynku praciahvajecca
Aproč hetaha namieśnik premjer-ministra Piatro Parchomčyk dniami zajaviŭ, što na zavodzie «Junisan» nieŭzabavie pačnuć vypuskać aŭtamabili jašče adnoj kitajskaj marki. Pa jahonych słovach, hetyja mašyny nie buduć pierasiakacca z pradukcyjaj «Biełdžy». Krasoviery novaj marki buduć bolš darahija.
Što heta budzie za brend — dakładna nie viadoma, ale žurnalisty vykazvajuć zdahadki, što heta moža być marka Hongqi. Zdahadki hruntujucca na tym, što ŭ kartežy Łukašenki ŭ Kitai byŭ limuzin hetaj marki, a sam Łukašenka tady pravioŭ pieramovy z kiraŭnictvam maciarynskaj kampanii FAW.
Za kolki pierapradajuć «błatnyja» aŭtamabilnyja numary? Ceny ŭražvajuć
Minskaja firma prapanuje mašyny ź Jeŭropy na zamovu pa nierealna nizkich cenach. U čym padvoch?
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT3
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
Plus podtvierždienije aksiomy, čto russkije nie mohli i nie mohut, sami, sdiełať lehkovoj avtomobil
V SSSR, libo fiat pod vidom łady (žihulej), libo moskvič v vidie bmv 1956 hoda.
Kak i połutorka i zisy byli fordami raznych hodov vypuska.
A tiepieŕ, sovmin RF, razriešił ispolzovať, v promyšlennosti RF, hosty i standarty SSSR, standarty 80-ch hodov prošłoho stoletija.
Ach da, oni dažie filmy śnimajut pro nazad v prošłoje. Takimi tiempami točno k hłavnym skriepam provalatsia, k łučinie, ziemlankie, łaptiam, bałałajkie i ihrie na łožkach