Z rasijskich viertalotaŭ da kanca nastupnaha hoda stvorać eskadryllu. Pra heta ŭ efiry STB zajaviŭ kamandzir 50-j źmiašanaj avijacyjnaj bazy Uładzimir Skorkin.
«Čakajem da kanca hetaha hoda, heta płan — čatyry mašyny. I ŭ nastupnym hodzie — jašče čatyry mašyny. Heta značyć całkam budzie eskadrylla Mi-35», — źviartaje ŭvahu na słovy Skorkina vydańnie Reform.by.
Dniami na adzin z aeradromaŭ Vajskova-pavietranych sił i vojskaŭ supraćpavietranaj abarony Biełarusi ažyćciaviła pasadku pieršaja partyja viertalotaŭ Mi-35M, jakija pastupili na ŭzbrajeńnie ŭ biełaruskaje vojska. Raniej u Minabarony zajaŭlali, što Biełaruś atrymaje eskadryllu Mi-35.
Kamientary