Biełaruski Centr mody raspracavaŭ formu dla školnych kucharaŭ. Acanicie hetuju pryhažość
Ź pieršaha vieraśnia ŭ rabotnikaŭ školnych charčbłokaŭ źjavicca jarkaja ŭniforma.
Z pačatku navučalnaha hoda ŭsie rabotniki školnych stałovych, pačynajučy ad kucharaŭ i zakančvajučy myjščykami posudu, buduć adzietyja ŭ novuju ŭniformu. Supracoŭnikam cechaŭ charčavańnia prapanavany palepšanyja chałaty, štany, kurtki i hałaŭnyja ŭbory.
Dyzajn uniformy byŭ raspracavany kancernam «Biellehpram» sumiesna ź Biełaruskim Centram mody. Adzieńnie atrymałasia jarkim i z unikalnym pryntam.
Admysłovaja ŭvaha była nadadziena vybaru materyjałaŭ i detalaŭ, ź jakich składajecca śpiecadzieńnie. «Dumaju, dzieci aceniać taki ekśpierymient. Anałahaŭ u respublicy niama», — prakamientavała zadumku dyrektarka Kambinata školnaha charčavańnia Nadzieja Łukaševič.
Nahadajem, što novaŭviadzieńni, jakija datyčacca formy, sioleta zakranuć nie tolki piersanał charčbłokaŭ. U niekatorych adukacyjnych ustanovach pajšli dalej — tam adzinuju ŭniformu ŭviaduć i dla nastaŭnikaŭ.
Kamientary