Lidaram niezaležnaha prafsajuza «Naftana» Brycikavaj i Kucharonku vystavili abvinavačańni
Volhu Brycikavu, byłuju staršyniu niezaležnaha prafsajuza AAT «Naftan», vinavaciać pavodle č. 1 art. 361 KK Biełarusi (publičnyja zakliki da zachopu dziaržaŭnaj ułady). Alaksandra Kucharonka vinavaciać pavodle taho ž artykuła, ale pa jakoj častcy — źviestak niama.
Volhu Brycikavu i Alaksandra Kucharonka zatrymali 11 žniŭnia. Kucharonak byŭ zatrymany ŭ vioscy Rosica Vierchniadźvinskaha rajona, tam amapaŭcy praviali pieratrus, taksama pieratrusy prajšli na kvatery Kucharonka i ŭ jahonych baćkoŭ u Navapołacku. Spačatku razam ź im była zatrymana i žonka, ale paźniej jaje adpuścili, nahadvaje «Viciebskaja viasna».
Alaksandr Kucharonak byŭ adnym ź pieršych rabotnikaŭ «Naftana», jakija padtrymali strajk na pradpryjemstvie. U 2021 hodzie jon adbyŭ 20 sutak aryštu za ŭdzieł u zapisie videarolika z zaklikam hałasavać na płatformie «Hołas» — jaho abvinavacili ŭ praviadzieńni niesankcyjanavanaj akcyi (pavodle art. 24.23 KaAP).
Volha Brycikava, u jakoj taksama praviali pieratrus, letaś adbyła za kratami 75 sutak. Joj prysudzili piać aryštaŭ zapar za nibyta niesankcyjanavanaje pikietavańnie. Padčas aryštu jana abviaščała haładoŭku na znak pratestu.
Pavodle č. 1 art. 361 KK Biełarusi žančynie pahražaje aryšt abo pazbaŭleńnie voli na termin da troch hadoŭ.
Pravaabaroncam stali viadomyja novyja akaličnaści zatrymańnia navapołackich aktyvistaŭ Brycikavaj i Kucharonka
U Navapołacku zatrymali strajkamaŭcaŭ «Naftana» Volhu Brycikavu i Alaksandra Kucharonka. Kryminalnyja spravy
«Ja vystupała suprać vajny, što ŭ hetym drennaha?!» Volha Brycikava raskazała pra 75-dzionny aryšt
Žančyna, jakaja zahnała ŭ kut Cierciela. Chto takaja mieniedžar «Naftana», jakuju treci miesiac mučać sutkami
Kamientary