Va Ukrainie abviaścili časovyja kalidory dla handlovych karabloŭ, jakija vychodziać z adeskich partoŭ
Hetyja maršruty najpierš buduć vykarystoŭvać dla mahčymaści vychadu cyvilnych karabloŭ, jakija ciapier znachodziacca ŭ partach «Čarnamorsk», «Adesa» i «Paŭdniovy» jašče z pačatku rasiejskaha vajennaha ŭvarvańnia ŭ lutym 2022 hoda, piša Radyjo Svaboda.
U kamandavańni Vajenna-marskich sił (VMS) Ukrainy abviaścili časovyja kalidory ŭ Čornym mory dla handlovych karabloŭ, jakija nakiroŭvajucca ŭ abo z ukrainskich partoŭ u Adeskaj vobłaści.
U toj ža čas u zahadzie navihacyjnaha daniasieńnia VMS Ukrainy adznačajecca, što ciaham usich maršruta «zachoŭvajecca vajennaja pahroza i minnaja niebiaśpieka z boku Rasiei».
Hetyja maršruty Ukraina prapanavała Mižnarodnaj marskoj arhanizacyi, jakaja, pavodle VMS Ukrainy, pryznała «svabodnaje prava Ukrainy na svabodnaje handlovaje pieramiaščeńnie karabloŭ, jakoje harantavana mižnarodnym marskim pravam».
«Mižnarodnaja marskaja arhanizacyja zaklikała Rasieju vykonvać mižnarodnyja kanviencyi i spynić pahrozy handlovym karablam u Čornym mory», — adznačajecca ŭ paviedamleńni.
U toj ža čas adznačajecca, što hetyja maršruty najpierš buduć vykarystoŭvać dla mahčymaści vychadu cyvilnych karabloŭ, jakija ciapier znachodziacca ŭ partach «Čarnamorsk», «Adesa» i «Paŭdniovy» jašče z pačatku rasiejskaha vajennaha ŭvarvańnia ŭ lutym 2022 hodu.
Apošni karabiel vyjšaŭ z adeskaha porta 16 lipienia, a 17 lipienia Rasieja ŭ adnabakovym paradku vyjšła sa zbožžavaj inicyjatyvy.
Pierad atakami Rasiei na adeskija party stała viadoma, što ŭ port u Izmaile zajšli try cyvilnyja bałkiery z turecka-hruzinskaj rehistracyjaj, a taksama pad ściahami Izraila i Hrecyi ŭ supravadžeńni nie mienš jak čatyroch samalotaŭ NATO, imavierna, dla załadavańnia ŭkrainskim zbožžam.
Heta byŭ pieršy zachod zamiežnych hruzavych karabloŭ va Ukrainu paśla vychadu Rasiei z damoŭlenaściaŭ ab dastavach ukrainskaha zbožža Čornym moram, jakoje ciapier pad rasiejskim kantrolem.
Rasieja pačała nanosić sistematyčnyja ŭdary pa Adesie i Adeskaj vobłaści 18 lipienia — na nastupny dzień paśla vychadu z damoŭlenaściaŭ ab zbožžy. Va Ukrainie pierakananyja, što hałoŭnaj metaj abstrełaŭ jość błakavańnie ekspartu ŭkrainskaha zbožža alternatyŭnym šlacham pa race Dunai.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary