Rasfarbavali zdymki Pinska, zroblenyja ŭ 1934 hodzie amierykanskaj daśledčycaj
Sajt «Miedyja-Paleśsie» apublikavaŭ zdymki Pinska amierykanskaj daśledčycy i padarožnicy Łuizy Arnier Bojd, zroblenyja ŭ 1934 hodzie. Zdymki ŭžo byli viadomyja, ale ciapier pry dapamozie kampjutara ich rasfarbavali, dziela čaho fatahrafii nabyli inšy kałaryt.
Dziakujučy zdymkam lehiendarnaj amierykanki, člena Amierykanskaha hieahrafičnaha tavarystva Łuizy Arnier Bojd pra Paleśsie 80 ź liškam hadoŭ tamu daviedalisia ŭ roznych kutkach Ziamnoha šara.
Na Paleśsi daśledčyca prabyła miesiac, z kanca vieraśnia pa kaniec kastryčnika 1934 hoda. Adna ź viersij, adkul Bojd mahła daviedacca pra kraj biaźmiežnych bałot i rek, — ad pracoŭnych emihrantaŭ z hetych miaścin.
«Za svajo žyćcio ja bačyła šmat roznych kirmašoŭ u roznych krainach śvietu, ale nidzie ja nie bačyła taho ŭnikalnaha i cikavaha, što ja ŭbačyła ŭ Pinsku. Hety horad jość skryžavańniem šlachoŭ, dzie z usioj vakolicy prybyvajuć i sustrakajucca ludzi, jakich padzialajuć dziasiatki kiłamietraŭ vady», — pisała Łuiza Arnier Bojd.
Padarožnicu začaravaŭ staražytny Pinsk i jaho navakolli. Mnostva fatahrafij pryśviečana rekam, bałotam, azioram, šmatlikim pratokam, a taksama rybakam i čaŭnam na bierahach i vadzie. Vynikam pajezdki stała publikacyja ŭ 1937 hodzie ŭ Ńju-Jorku fotaalboma «Polskaja pravincyja» i, biezumoŭna, adkryćcio dla ŭsiaho śvietu Paleśsia va ŭsioj jaho šmathrannaści, samabytnaści i aryhinalnaści.
Paleski fotaarchiŭ Bojd pieranosić nas u zusim inšuju epochu, znajomić z aŭtentyčnym Paleśsiem, pobytam i kulturaj palešukoŭ pieršaj pałovy XX stahodździa. Heta žyvaja historyja, jakaja praz vosiem dziasiatkaŭ hadoŭ daje novyja aktualnyja aśpiekty, vykliki času.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary