Miadźviedzi dabralisia da Minska: siamju zaŭvažyli pad Ždanovičami
U siecivie źjaviłasia videa ź viačerniaj prahułki miadźviedziaŭ pa vioscy Hanales Ždanovickaha sielsavieta.
Toje, što tam miascovyja žychary paznajomilisia ź lasnymi nasielnikami, paćvierdziŭ staršynia sadovaha tavarystva «Adpačynak» Mikałaj Śmirnoŭ, piša vydańnie «Prystaličča».
Pa słovach Śmirnova, kala ŽK «Pirs» niedaloka ad kafe «Bronhał» mama z dvuma miedźviedzianiatami kupalisia ŭ raŭčuku, što praciakaje pobač.
— Na žal, zdymkaŭ zrabić nie ŭdałosia — spałochalisia. A voś siońnia, 2 žniŭnia, kali ja jechaŭ u Minsk sa Ždanovičaŭ, zaŭvažyŭ, jak vialiki miadźviedź pierabiahaŭ darohu ŭ procilehły bok ad ručaja, bližej da zapraŭki. Vyrašyŭ prajścisia lesam, ale nikoha nie zaśpieŭ tam. Apošnim časam nasielniki lesu ŭsio čaściej stali prychodzić da ludziej, — adznačyŭ Mikałaj Śmirnoŭ.
Jon kaža, što žyviołam padabajecca čystaja, prybranaja terytoryja.
Kamientary
kak i Śmirnovu
Jak ni dziŭna, hetuju terytoryju pad nazovam Respublika Biełaruś, upadabali taksama i ruskija! I pryčyna taja ž -- tut čysta!!! Pačynajecca masavaje zasialeńnie nazvanaj terytoryi nie tolki viadźmiedziami ale ruskimi. Niekatoryja pradprymalnyja asoby viaduć błohi -- "pomohu pieriejechať v Biełoruśsiju".