Na Audiobooks.by vydali «Vilenskich kamunaraŭ» Maksima Hareckaha
Napisany ŭ 1931 hodzie, raman kłasika biełaruskaj litaratury Maksima Hareckaha «Vilenskija kamunary» byŭ nadrukavany tolki ŭ 1963 hodzie. A ciapier dastupnaja i jaho aŭdyjaviersija.
Paśla aryštu i rasstrełu piśmieńnika pa prysudzie «trojki» NKVD u 1937 hodzie ŭsie tvory Maksima Hareckaha byli zabaronienyja. I tolki paśla reabilitacyii ŭ 1957-m jaho litaraturnaja spadčyna pastupova pačała adkryvacca šyrokamu kołu čytačoŭ.
«Vilenskija kamunary» cikavyja najpierš svajoj dakumientalnaściu i dakładnaściu adlustravańnia žyćcia biełarusaŭ padčas histaryčnych kataklizmaŭ pačatku XX stahodździa.
Heta pieršaja, ale nie apošniaja aŭdyjakniha, jakuju Audiobooks.by zapisaŭ na achviaravańni padpisčykaŭ prajekta. Ahučyŭ tvor Vital Kraŭčanka.
Znajści i pasłuchać raman možna prosta ciapier na sajcie Audiobooks.by.
Čytajcie taksama:
Jakija knihi słuchajuć biełarusy? Samaje papularnaje z Audiobooks.by
Ułady abmiežavali dostup da sajta ź biełaruskimi aŭdyjaknihami
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary