«Vialikaja kolkaść biełarusaŭ moŭčki naziraje za zabojstvami». Ukrainskim šachmatystam rekamiendujuć nie paciskać ruki biełarusam i rasiejcam
«Niedapuščalna, kab šachmatysty z Rasiei i Biełarusi hulali ŭ lubym statusie na aficyjnych turnirach, pakul ich dziaržavy i hramadzianie ažyćciaŭlajuć abo padtrymlivajuć akty teraryzmu va Ukrainie», — ličać u Fiederacyi šachmat Ukrainy.
Fiederacyja šachmat Ukrainy rekamiendavała svaim siabram:
— ustrymlivacca ad pociskaŭ ruki z pradstaŭnikami Rasiei i Biełarusi, niezaležna ad taho, pad jakim ściaham jany vystupajuć.
— paźbiahać sumiesnych fota– i videazdymak z pradstaŭnikami Rasiei i Biełarusi.
— paźbiahać razmoŭ z pradstaŭnikami hetych krain
— ustrymlivacca ad dziejańniaŭ, jakija mohuć naškodzić imidžu Ukrainy.
Fiederacyja rekamiendavała taksama padčas vystupleńniaŭ na miedyjnych mierapryjemstvach, u publičnaj prastory i ŭ sacyjalnych sietkach nahadvać, što «praciahvajecca vajna, jakuju viaduć suprać Ukrainy i jaje naroda Rasieja i Biełaruś; pry hetym vialikaja kolkaść rasiejcaŭ i biełarusaŭ, u pryvatnaści i šachmatysty, albo padtrymlivajuć uładu svaich krain, albo moŭčki nazirajuć za zabojstvami i hienacydam ukraincaŭ».
Ukrainskaja fiederacyja ličyć taksama niedapuščalnym, što Mižnarodnuju fiederacyju šachmat (FIDE) uznačalvaje rasiejec Arkadź Dvarkovič. «Dvarkovič musić znachodzicca pad sankcyjami i być adchileny ad pasady prezidenta FIDE», — zajaŭlaje fiederacyja ŭkrainskich šachmatystaŭ.
Kamientary