U Litvie miarkujuć, što paśla zaćviardžeńnia Jeŭrasajuzam novych sankcyj suprać Biełarusi jany pavinny być uzmocnienyja. Pra heta zajaviŭ ministr zamiežnych spraŭ Litvy Habryelus Łandśbierhis.
Pa słovach litoŭskaha ministra, sankcyi suprać Biełarusi musili być pryniatyja ŭžo daŭno. Jon zaklikaŭ ES nie spyniacca na hetym, paviedamlaje LRT.
«Paśla hadavoha pierapynku byli zaćvierdžany novyja sankcyi suprać Biełarusi — adbyłosia toje, što daŭno pavinna było adbycca. Biełaruś padtrymlivaje rasijskuju ahresiju va Ukrainie, situacyja z pravami čałavieka praciahvaje paharšacca, a terytoryju Biełarusi vykarystoŭvajuć dla abychodu sankcyj suprać Rasii», — adznačyŭ Łandśbierhis.
Jon paćvierdziŭ, što novy pakiet uvodzić novyja abmiežavańni na tavary padvojnaha pryznačeńnia, avijacyjnyja zapčastki. Ź jahonych słoŭ, heta dapamoža praduchilić «źjaŭleńnie takich tavaraŭ na poli boju», a taksama zmahacca z abychodam sankcyj suprać Rasii praź Biełaruś.
«Adnak my nie možam siadzieć skłaŭšy ruki — apošniaja častka sankcyjnaha pakieta pavinna być pryniataja nieadkładna. Spadziajusia, nam nie pryjdziecca čakać hetaha hetak ža doŭha», — padkreśliŭ Łandśbierhis.
Napiaredadni stała viadoma, što ambasadary ES uzhadnili ŭviadzieńnie novych sankcyj suprać Biełarusi za jaje suviaź z rasijskaj zachopnickaj vajnoj.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
skažiem tak...daleko niedobrožiełatielnoj