U Homieli asudzili čyhunačnika, jakoha zatrymali pry vyjeździe ŭ Litvu
Homielski abłasny sud vynies prysud 28-hadovamu Viktaru Załatareŭskamu, jakoha zatrymali ŭ lutym pry sprobie vyjechać u Litvu. Jaho abvinavacili ŭ stvareńni ekstremisckaha farmavańnia abo ŭdziele ŭ im (art. 362-1 KK) i sadziejničańni ekstremisckaj dziejnaści (č. 1 art. 361-4 KK).
Kryminalnuju spravu razhladaŭ sudździa Aleh Charoška, piša «Viasna».
28-hadovaha hamielčuka zatrymali 3 sakavika ŭ Hrodzienskaj vobłaści, kali jon sprabavaŭ vyjechać ź Biełarusi ŭ Litvu. Viadoma, što mužčyna źbiraŭsia lacieć u Hruziju ŭ adpačynak. Pry ahladzie jaho mabilnaha telefona supracoŭnikami milicyi byli znojdzieny padpiski na telehram-kanały, pryznanyja ŭładami «ekstremisckimi».
U vyniku Viktaru pryznačyli dva hady i šeść miesiacaŭ pazbaŭleńnia voli va ŭmovach ahulnaha režymu.
Kamientary