Dziaržsakratar ZŠA zajaviŭ, što Ukraina advajavała pałovu zachoplenaj terytoryi
Dziaržsakratar ZŠA Entani Blinkien zajaviŭ, što Ukraina advajavała pałovu terytoryi, jakuju Rasija zachapiła padčas uvarvańnia. Ale Kijeŭ sutyknuŭsia z surjoznym supraciŭleńniem, kab vyzvalić bolšuju terytoryju.
«Kala 50% taho, što pieršapačatkova było zachoplena, užo viernuta», — skazaŭ Blinkien u intervju CNN. Jaho słovy cytuje Reuters.
Taksama Blinkien dadaŭ, što kontnastup nie skončycca na praciahu nastupnaha tydnia abo dvuch, chutčej, heta budzie niekalki miesiacaŭ.
U kancy červienia prezident Ukrainy Uładzimir Zialenski skazaŭ, što prasoŭvańnie kontrnastupleńnia bolš «pavolnaje, čym chaciełasia b».
Ukraina adbiła niekalki viosak na poŭdni i terytoryju vakoł razburanaha horada Bachmuta na ŭschodzie, ale nie damahłasia surjoznaha praryvu praz dobra abaronienyja rasijskija rubiažy, piša Reuters.
Kali Blinkiena spytali, ci atrymaje Ukraina źniščalniki F-16 amierykanskaj vytvorčaści, jon skazaŭ, što vieryć u heta.
U žniŭni ŭ Danii kaalicyja z 11-ci krain pačnie navučać ukrainskich piłotaŭ kiravańniu źniščalnikami F-16, a ŭ Rumynii budzie stvorany navučalny centr.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach12
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia33
Kamientary