U sankcyjach Jeŭrasajuza nie budzie pasłableńniaŭ dla biełaruskich kalijnych uhnajeńniaŭ — pasoł Polščy ŭ ES
Siońnia pasły krain ES uzhadnili novy pakiet sankcyj u dačynieńni da biełaruskaha režymu. U jaho ŭklučanyja ŭzbrajeńnie, pradukcyja padvojnaha pryznačeńnia, avijacyjnyja kampanienty, a taksama asoby, jakija majuć dačynieńnie da pieraśledu Andreja Pačobuta. Pra heta raskazaŭ Polskamu pres-ahienctvu pasoł Polščy ŭ ES Andžej Sadaś.
Pa słovach Andžeja Sadasia, u novych sankcyjach nie budzie pasłableńniaŭ dla kalijnych uhnajeńniaŭ.
«Upieršyniu za hod udałosia vyjści z tupika ź biełaruskimi sankcyjami. U rašeńni niama adstupleńniaŭ dla ŭhnajeńniaŭ, a heta značyć, što jany praciahvajuć znachodzicca pad sankcyjami ES.
My ŭviali siektaralnyja sankcyi, u tym liku ŭ dačynieńni da pradukcyi vajennaha pryznačeńnia, uzbrajeńnia, bojeprypasaŭ, vyrabaŭ padvojnaha pryznačeńnia, avijacyjnych technałohij i praduktaŭ. Pad sankcyi trapili i ŭsie datyčnyja da prysudu Andreju Pačobutu», — paviedamiŭ polski pradstaŭnik.
Jak raniej paviedamlałasia, novy pakiet moža być pryniaty da 9 žniŭnia, hadaviny prezidenckich vybaraŭ u Biełarusi.
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ11
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary