У санкцыях Еўрасаюза не будзе паслабленняў для беларускіх калійных угнаенняў — пасол Польшчы ў ЕС
Сёння паслы краін ЕС узгаднілі новы пакет санкцый у дачыненні да беларускага рэжыму. У яго ўключаныя ўзбраенне, прадукцыя падвойнага прызначэння, авіяцыйныя кампаненты, а таксама асобы, якія маюць дачыненне да пераследу Андрэя Пачобута. Пра гэта расказаў Польскаму прэс-агенцтву пасол Польшчы ў ЕС Анджэй Садась.
Па словах Анджэя Садася, у новых санкцыях не будзе паслабленняў для калійных угнаенняў.
«Упершыню за год удалося выйсці з тупіка з беларускімі санкцыямі. У рашэнні няма адступленняў для ўгнаенняў, а гэта значыць, што яны працягваюць знаходзіцца пад санкцыямі ЕС.
Мы ўвялі сектаральныя санкцыі, у тым ліку ў дачыненні да прадукцыі ваеннага прызначэння, узбраення, боепрыпасаў, вырабаў падвойнага прызначэння, авіяцыйных тэхналогій і прадуктаў. Пад санкцыі трапілі і ўсе датычныя да прысуду Андрэю Пачобуту», — паведаміў польскі прадстаўнік.
Як раней паведамлялася, новы пакет можа быць прыняты да 9 жніўня, гадавіны прэзідэнцкіх выбараў у Беларусі.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары