Palina Šarenda-Panasiuk za dva z pałovaj hady źniavoleńnia straciła 18 kiłahramaŭ vahi
Pra apošnija źviestki pra Palinu Šarendu-Panasiuk napisaŭ u fejsbuku jaje muž Andrej Šarenda.
«Pryjšli viestki ad Paliny, jakija jana paśpieła pakinuć u SIZA №1 na Vaładarskaha. Stała viadoma, što Palinu dastavili na psichijatryčnuju ekśpiertyzu ŭ adździeł sudovych ekśpiertyz u Navinkach 29 červienia. Palina adrazu naadrez admoviłasia zdavać kroŭ na analizy, prymać lubyja preparaty i ŭvohule razmaŭlać ź miedykami-psichijatrami. Administracyja ekśpiertyzy sprabavała psichałahična cisnuć na Palinu, pahražajučy zrabić heta siłaju. Ale, sutyknušysia ź niepachisnaj pazicyjaj mužnaj žančyny, dziakujučy vialikamu rozhłasu ŭ ŚMI, daktary vymušanyja byli adstupić», — napisaŭ Andrej Šarenda.
Tamu psichijatryčnaja ekśpiertyza skončyłasia tak i nie pačaŭšysia.
«Palina prosta adaspałasia ŭ pałacie tydzień i narešcie zmahła pajeści narmalnych praduktaŭ, jakija my paśpieli pieradać joj tudy. Adzinaje, što Palina paśpieła zrabić tam pa pryjeździe ŭ Navinki, heta ŭzvažycca. Palina važyć usiaho 47,5 kiłahrama! Pry roście 170 santymietraŭ i zvykłaj vazie 63—65 kiłahramaŭ jana zhubiła za dva z pałovaj hady HUŁAHa kala 18 kiłahramaŭ. Navat ciažka ŭjavić, jak Palina vyhladaje ciapier», — dadaŭ Andrej.
Užo 6 lipienia Palinu z Navinak pieraviali na Vaładarku. Tam jana praviała mienš za sutki, i ŭžo 7 lipienia jaje śpiecetapam vyvieźli ŭ kirunku kałonii №24 (Zarečča). Dzie ciapier znachodzicca Palina, nieviadoma.
«Ale zrazumieła, što śpiašajucca jaje sudzić, bo termin jaje źniavoleńnia zakančvajecca 6 žniŭnia», — napisaŭ Andrej Šarenda.
***
Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam minułaha hoda.
Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii».
Padtrymajcie palitźniavolenuju: PK №24, 247526, Vytvorčaja, 44, h. p. Zarečča, Rečycki rajon, Homielskaja vobłaść, Palina Siarhiejeŭna Šarenda-Panasiuk.
Psichijatryčnaja ekśpiertyza nad Palinaj Šarendaj-Panasiuk nie adbyłasia
«Biaskoncymi etapami chočuć kančatkova vysmaktać siły i zdaroŭje». Palinu Šarendu-Panasiuk etapavali z «Navinak»
Palitźniavolenuju Palinu Šarendu-Panasiuk vieźli z kałonii ŭ SIZA na Vaładarskaha 18 sutak
Palinu Šarenda-Panasiuk praciahvajuć utrymlivać u karcary. Za hod jana praviała tam 200 sutak
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary
takaja mužnaja
Palinu katujuć, tamu što jana maje svaju dumku i nie choča poŭzać pierad režymam. Nie choča być bydłam