Adna pałasa ŭ kožny bok. Na moście pamiž Maskoŭskaj i Čkałava ŭ Minsku transpart ruchajecca pa novaj schiemie
Puciepravod zakryli na ramont na doŭhich 16 miesiacaŭ.
Z 11 lipienia ruch transpartnych srodkaŭ na puciepravodzie, jaki złučaje vulicu Maskoŭskuju i vulicu Čkałava, arhanizavany pavodle novaj schiemy, jak paviedamlajuć «Minsk-Naviny».
Ciapier na abjekt skiravali darožnuju i budaŭničuju techniku, rabočych. Na pieryjad budaŭniča-mantažnych rabot vynosiacca inžyniernyja sietki. Uładkavali časovyja abjaznyja šlachi dla transpartu. Na padjezdach da puciepravoda zahadzia vystaŭlenyja znaki, jakija pakazvajuć kiroŭcam, što napieradzie viaducca darožnyja raboty, prajeznaja častka zvužanaja, chutkaść ruchu abmiežavanaja 40 km/h.
Było vyrašana prajechać pa puciepravodzie. Spačatku z boku vulicy Čkałava.
Zatym z boku vulicy Maskoŭskaj.
— Pakolki ruch pa puciepravodzie ažyćciaŭlajecca pa adnoj pałasie, mahčymyja ciažkaści pry prajeździe hetaha ŭčastka darohi, — raskazaŭ staršy inžynier pa arhanizacyi darožnaha ruchu adździeła DAI Kastryčnickaha RUUS Uładzimir Siarhiejenka. — Raniej prajezd ažyćciaŭlaŭsia pa troch pałosach u kožnym kirunku, a ciapier tolki pa adnoj. Kiroŭcam treba heta ŭličvać i zahadzia vybirać maršrut.
Abjechać puciepravod možna pa vuł. Varanianskaha i vuł. Žukoŭskaha z nastupnym vyjezdam naleva na vuł. Tałstoha albo naprava na vuł. Mahiloŭskuju. Z procilehłaha boku puciepravod možna abjechać pa vuł. Suražskaj z vyjezdam na vuł. Čyhunačnuju i pr. Žukava.
Kapitalny ramont z madernizacyjaj puciepravoda z vuł. Maskoŭskaj na vuł. Čkałava praciahniecca prykładna 16 miesiacaŭ. Tamu kiroŭcam pryjdziecca na čas albo źmianić zvykłuju schiemu ruchu, albo pa-raniejšamu vykarystoŭvać maršrut. Ale pry hetym mahčymyja ciažkaści z prajezdam, asabliva ŭ ranišnija i viačernija hadziny pik.
Kamientary