Hramadstva88

ANT vydaŭ siužet pra ataku na bazu AMAP. Prapahandyst dapytvaŭ zatrymanaha, a siłaviki abstralali pusty dom

U vieraśni 2021 hoda inicyjatyva «Busły laciać» atakavała z drona bazu AMAP. Ciapier, amal praz dva hady, siłaviki zatrymali niby datyčnych. Ale, jak vynikaje ź siužetu, aryštavanyja ludzi pra ataku i nie viedali.

Prapahandyst Andrej Alaksandraŭ dapytvaje zatrymanaha. Skryn videa ANT

U siužecie pakazvajuć, jak prapahandyst ANT Andrej Alaksandraŭ jedzie z SACHRam na zatrymańnie. Ź jaho słoŭ, čałaviek, jaki kaliści dapamoh pierakinuć dron dla ataki na minskuju bazu AMAP, tolki što viarnuŭsia z-za miažy.

Siłaviki ŭ poŭnym abmundziravańni spyniajuć aŭto, vybivajuć bakavuju šybu i žorstka dastajuć mužčynu, ciahnuć jaho pa asfalcie.

Dapytvaŭ jaho prapahandyst Alaksandraŭ.

Zatrymańnie Siarhieja Kaściučyka. Skryn videa ANT

Zatrymany — Siarhiej Kaściučyk. Jon, jak vynikaje ź siužetu, zvyčajny kantrabandyst, pierakidvaŭ praź miažu cyharety. A paru hadoŭ tamu jaho nibyta ŭkrainiec paprasiŭ pierakinuć u Biełaruś dron, a Kaściučyk pahadziŭsia i padklučyŭ dla hetaha jašče ludziej. Dla čaho dron, toj nie viedaŭ.

Ciapier jamu inkryminujuć kryminalny artykuł za saŭdzielnictva ŭ teraryźmie.

Niepasredna atakavaŭ z drona bazu AMAP u Minsku, kali vieryć siužetu, były vajskoviec Vital Paciechin. Jon raniej prachodziŭ słužbu ŭ vojskach, źviazanych z supraćpavietranaj abaronaj. Zhodna z ANT, mužčyna źviazaŭsia ź inicyjatyvaj «Busły laciać» i prapanavaŭ dapamohu. Paciechin niby madyfikavaŭ bieśpiłotnik, na jaho možna było ŭstaloŭvać butli z haručaj sumieśsiu.

Vital Paciechin. Skryn videa ANT

25 vieraśnia 2021 hoda dron atakavaŭ minskuju bazu AMAP. Videa hetaha tady vykładała inicyjatyva «Busły laciać».

Ciapier u siužecie siłaviki raskazvajuć, što skidali haručuju sumieś dvojčy, ale baza amal nie paciarpieła: paškodziła mašynu i haražnyja varoty.

Minskaja baza AMAP, jakuju atakavali z drona ŭ 2021-m. Skryn videa ANT

Samoha Paciechina nie zatrymali — jon źjechaŭ va Ukrainu. Za miažu paźniej źjechała i dačka mužčyny Nastaśsia, jakuju zatrymlivali za pratesty.

U siužecie — vidać, dla zastrašvańnia — pakazali, jak SACHR i prapahandyst šturmujuć pusty dom pad Minskam (imavierna, dom Paciechina), abstrelvajuć jaho i zakidvajuć šaškami.

Adnak na hetym nie skončyli i pajechali zatrymlivać siastru Paciechina i jaje muža. Ich, jak kažuć u siužecie, mužčyna niby paprasiŭ źniščyć niekatoryja «dokazy» ŭ domie. Što heta, ni siastra, ni muž nie viedali.

Siastru prymusili zvanić Paciechinu na dopycie i zapisali heta na kamieru. Imavierna, ciapier jany zastajucca ŭ niavoli i prachodziać fihurantami kryminalnaj spravy.

U siužecie taksama kažuć, što niby ŭ «Busły laciać» byŭ zasłańnik ź liku siłavikoŭ. Jon, zhodna ź siužetam, prapanavaŭ zrabić ataku na bazu ŭnutranych vojskaŭ MUS u Vałoŭščynie, dzie ničoha kaštoŭnaha na toj momant nie było, i zrežysavaŭ jaje. Videa ataki drona na Vałoŭščynu raniej publikavali ŭ kanale inicyjatyvy «Busły laciać».

Kamientary8

  • Common sense
    13.07.2023
    Busły letiat- mutnaja kontora.
  • Pa bazie amap
    13.07.2023
    Common sense , ty sam mutny i tvaja kantora takaja ž mutnaja.
  • SHOS
    13.07.2023
    Oj kakije žie kłouny słaboviki. Horazdo sražaťsia s vietrianymi mielnicami

Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6

Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie

Usie naviny →
Usie naviny

Rybak na Minskim mory złaviŭ dvuch zdaravieznych samoŭ. Adzin važyŭ 70 kiłahramaŭ, druhi — krychu mienš2

Artura Siańko pakinuli pad vartaj u ZŠA. Jamu pa-raniejšamu pahražaje departacyja5

Kampanija-adnaroh ź biełaruskimi karaniami zapłacić miljony dalaraŭ za złoŭžyvańnie asabistymi danymi

U Minsku zatrymali «hrupu nacystaŭ». Na videa ŭ asnoŭnym ukrainskaja simvolika9

Jak Kapienhahien stvaryŭ «zialonuju chvalu» dla viełasipiedystaŭ3

Jak Rasija z dapamohaj karabla-špijona sočyć za padvodnymi kabielami Jeŭropy

Biełaruskija fury stajać u šmatkiłamietrovych čerhach na miažy Rasii i Kazachstana3

Łukašenka choča na hrošy, jakija zastalisia ad budaŭnictva AES, pabudavać jašče adzin błok

Tramp zapatrabavaŭ ad Erdahana spynić zakupki rasijskaj nafty

bolš čytanych navin
bolš łajkanych navin

Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6

Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie

Hałoŭnaje
Usie naviny →

Zaŭvaha:

 

 

 

 

Zakryć Paviedamić