Vypusknica klimavickaj siaredniaj škoły № 1 Alina Chartnik u hetuju ŭstupnuju kampaniju nabrała 400 bałaŭ. Pryčym na repietycyjnym CT jaje bał byŭ 58.
Alina atrymała pa 100 bałaŭ na centralizavanym ekzamienie pa anhlijskaj i ruskaj movach, a taksama pakazała najvyšejšy vynik CT pa hramadaznaŭstvie. Z ulikam atestata ŭ jaje abituryjenckaj skarboncy zapavietnyja 400 bałaŭ, paviedamlaje Ministerstva adukacyi sa spasyłkaj na «Sielskuju hazietu».
Za pośpiecham školnicy ź nievialikaha rajcentra, jak vyśvietlili, — pravilna pastaŭlenaja meta, matyvacyja, nastojlivaja praca. Pierad vyprabavańniami, jak uspaminaje Alina, jana starałasia dobra vyspacca i nastroicca na pracu.
«Vyniki pa movach nie stali niečakanaściu — pastajanna ŭdzielničała ŭ alimpijadach pa anhlijskaj i ruskaj, tamu viedy hruntoŭnyja. A voś vynikovaja ličba pa hramadaznaŭstvie vyklikała asablivyja emocyi, bo na repietycyjnym CT bał byŭ 58. Tady zrabiła adpaviednyja vysnovy i stała vučyć lepš. Vielmi ščaślivaja, što zmahła nabrać maksimalnuju kolkaść bałaŭ!» — kaža jana.
Raniej stała viadoma, što maksimalnyja 400 bałaŭ na testavańni nabrali Mark Mackievič z Navapołacka, Palina Dyčak ź Lidy, Volha Druščyc z Žabinkaŭskaha rajona, Milena Vaśko z Mazyra, Dzianis Kahukin z Połacka i Raman Kandracienia z Hancavič.
-
Łatuška: U demsiłaŭ jość płan pa dniach na vypadak, kali pryjdziecca brać uładu ŭ svaje ruki
-
Śviatłana Cichanoŭskaja raskazała, čamu nie pravieryła źmiest kanvierta ad Paŭlučenki pa pryjeździe ŭ Litvu
-
U Varšavie šmatdzietnuju biełaruskuju siamju vysielajuć z kvatery za nieapłatu. Ale jany ŭpeŭnienyja, što navat pierapłacili
Ciapier čytajuć
«Ty jašče nie stamiłasia?» Apublikavali pierapisku Mielnikavaj, dzie joj pahražali9
Kamientary