Piaskoŭ paćvierdziŭ, što Pucin sustreŭsia z Pryhožynym i kamandzirami «Vahniera» i raskazaŭ padrabiaznaści
Pres-sakratar prezidenta Rasii Dźmitryj Piaskoŭ paćvierdziŭ, što Pucin sustrakaŭsia z bajcami PVK «Vahnier». Pavodle jaho, adbyłosia heta ŭ Kramli.
Sustreča adbyłasia praź piać dzion paśla miaciažu, 29 červienia, i doŭžyłasia try hadziny.
Na sustrečy prysutničała 35 čałaviek — usie kamandziry atradaŭ i kiraŭnictva «Vahniera», uklučajučy samoha Jaŭhiena Pryhožyna.
Pavodle Piaskova, Pucin daŭ acenku dziejańniam «Vahniera» i vysłuchaŭ ich tłumačeńni.
Kamandziry «Vahniera» na sustrečy z Pucinym u Kramli zapeŭnili, što jany źjaŭlajucca jaho prychilnikami i hatovyja i dalej praciahvać zmahacca za radzimu.
Pavodle słoŭ Piaskova, Pucin taksama prapanavaŭ pradstaŭnikam PVK varyjanty pracaŭładkavańnia.
Źviestak pra toje, ci prysutničali na sustrečy pradstaŭniki Minabarony RF, niama.
Siońnia francuzskaja Libération pieršaj paviedamiła, što Jaŭhien Pryhožyn z 1 lipienia znachodzicca ŭ Maskvie, dzie sustrakaŭsia z Pucinym. Pavodle vydańnia, Pryhožyn taksama sustrakaŭsia z dyrektaram Rashvardyi Viktaram Zołatavym i kiraŭnikom Słužby źniešniaj raźviedki Siarhiejem Naryškinym.
Ci pryjeduć vahnieraŭcy ŭ Biełaruś, pa-raniejšamu nieviadoma. Łahier pad Asipovičami, jaki, jak mierkavałasia, terminova pačali budavać dla bajcoŭ PVK, ciapier pusty, a Minabarony Biełarusi skazała, što źbirajecca vykarystoŭvać jaho dla vučeńniaŭ terabarony.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary