Zahinułych na zavodzie ŭ Śvietłahorsku ŭsio ž pachavali — jašče 1 lipienia
Pra toje, što troje zahinułych rabotnikaŭ zavoda bielenaj celułozy pachavanyja, «Našaj Nivie» paćvierdzili ŭ administracyi Śvietłahorskaha celułozna-kardonnaha kambinata.
«1 lipienia chłopcaŭ pachavali», — skazała supracoŭnica aparatu kiravańnia pradpryjemstva.
Raniej pravaabaroncy paviedamlali, što zahinułych dahetul nie pachavali.
Troje rabotnikaŭ zavoda bielenaj celułozy, vytvorčaha padraździaleńnia kambinata, zahinuli 7 červienia ŭ vyniku avaryi.
Aficyjna była paćvierdžanaja śmierć 24-hadovaha Viktara Ramańkova, 32-hadovaha Michaiła Šacicy i 42-hadovaha Aleha Kacuby.
Pryčyny avaryi na kambinacie tak i nie nazvali.
Śledčy kamitet rasśleduje kryminalnuju spravu pa fakcie parušeńnia praviłaŭ biaśpieki na vybuchaniebiaśpiečnym pradpryjemstvie.
Kiraŭnictva pradpryjemstva zapeŭnivała, što siemji zahinułych atrymajuć materyjalnuju dapamohu, a pachavańni adbuducca za košt kambinata.
Nieŭzabavie paśla zdareńnia byli schoplenyja žurnalisty z telekanała «Ranak», jaki pieršym paviedamiŭ pra vybuch na pradpryjemstvie. Sudzili ich za raspaŭsiud ekstremisckich materyjałaŭ.
Nahodaju dla zatrymańnia moh stać siužet pra avaryju na kambinacie.
«Naša Niva» — bastyjon biełaruščyny
PADTRYMAĆHladzicie taksama:
Vybuch adbyŭsia na zavodzie bielenaj celułozy ŭ Śvietłahorsku
U sankcyjny śpis ZŠA trapiła biełaruskaje pradpryjemstva «Śvietłahorsk Chimvałakno»
Chimik patłumačyŭ, čamu nijakaja avaryja na Zaparožskaj AES nie budzie mieć maštabnych nastupstvaŭ
Kamientary