Dom z kramaj «Akijan» u Minsku pa zadumcy architektaraŭ mieŭsia vyhladać zusim inakš. Ekskluziŭnyja foty
Špil z zorkaj, vyšynia kala 15 pavierchaŭ, statui pa vuhłach — u pačatku 1950-ch naprajektavali ŭsio jak maje być, ale kali prajekt pačali realizoŭvać u kancy dziesiacihodździa, to ŭsiu hetuju pryhažość prybrali. U telehram-kanale «Biełaruski pioner» źjaviŭsia architekturny ekskluziŭ — vyjavy stalinskaha hmachu, što źbiralisia pabudavać u centry Minska. Ciapier na hetym miescy staić dom ź viadomaj minčanam kramaj «Akijan».
Da vajny pa hetym adrasie ŭ centry Minska znachodziŭsia internat Instytuta narodnaj haspadarki. Jakraz na jaho miescy (budynak paciarpieŭ u vajnu) architektary vyrašyli ŭźvieści stalinski hmach z usimi jaho atrybutami. Bahata ŭpryhožany lapninaj 15-paviarchovy dom pavinien byŭ viančać špil z zorkaj, pa rahach šmatpaviarchoŭki źbiralisia rasstavić skulptury.
Adnak kali ŭ kancy dziesiacihodździa dajšła sprava da realizacyi prajekta, to ŭsiu pryhažość prybrali.
U vyniku budynak na skryžavańni praśpiekta Niezaležnaści (u tyja hady — vulicy Savieckaj) i vulicy Kazłova (u tyja hady — Daŭhabrodskaj) pabudavali pa sproščanym varyjancie — biez špila, statuj, kałon i inšych praźmiernaściaŭ.
U 1975 hodzie akurat u hetym domie adkryli kramu «Akijan» ź firmavaj «łuskoj» na ścienach. U 2021 hodzie kramu zakryli na ramont. Tady minčanie sabrali bolš za tysiaču podpisaŭ, kab zachavać nazvu mahazina i interjer. Paśla ramontu «łusku» viarnuli tolki častkova. Bolšuju jaje častku pieradali ŭ Muziej historyi horada Minska.
Zrabiŭ łaźniu z chlava, vykapaŭ sažałku i buduje kaplicu. Biełarus pierajechaŭ na chutar u Paleśsi i staŭ papularnym błohieram, raskazvajučy pra svaju haspadarku
Viadomaje ŭsim kafe ŭ samym centry Minska vystavili na prodaž. Cana — bolš za 2 miljony dalaraŭ
Spatrebiłasia try hady i $200 000. Jak vyhladaje niezvyčajny dom-ziamlanka biełaruskaha architektara
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?1
Kamientary