Dziaržsakratar ZŠA pavinšavaŭ biełarusaŭ: Vaša mužnaść i stojkaść natchnili ŭvieś śviet
Dziaržsakratar ZŠA Entani Blinkien pavinšavaŭ biełarusaŭ z Dniom Niezaležnaści.
«Z nahody aficyjnaha Dnia Niezaležnaści Biełarusi narod Złučanych Štataŭ Amieryki šle svaje samyja ciopłyja pažadańni narodu Biełarusi, — skazana ŭ zvarocie. —
Vaša mužnaść, stojkaść i nastojlivaść u pabudovie demakratyčnaj, suvierennaj i stabilnaj budučyni dla Biełarusi natchnili ŭvieś śviet. Z-za turemnych ścien, u haradach, u jakich vy apynulisia ŭ vyhnańni, i ŭ svaich damach u Biełarusi vy praciahvajecie vystupać za sapraŭdy niezaležnuju i demakratyčnuju budučyniu vašaj krainy, dzie vy zmožacie žyć biez represij i vyznačać kurs raźvićcia vašaj ułasnaj budučyni.
Złučanyja Štaty vysoka aceńvajuć i padtrymlivajuć vašy niastomnyja namahańni pa abaronie ŭnikalnaj movy, kultury i samabytnaści Biełarusi. My zachaplajemsia vašaj nastojlivaściu ŭ abaronie pravoŭ čałavieka i asnoŭnych svabod. My zaklikajem da biezumoŭnaha vyzvaleńnia ŭsich z bolš čym 1500 biełaruskich palitviaźniaŭ i spynieńnia represij u Biełarusi, jakija praciahvajucca».
«Złučanyja Štaty vystupajuć za demakratyčnuju, niezaležnuju i suvierennuju Biełaruś užo bolš za 30 hadoŭ. Hetaja prychilnaść zastajecca niepachisnaj», — takimi słovami zakančvajecca vinšavańnie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim7
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary