«Ja kachaju jaho». Monika Biełučy pryznałasia ŭ kachańni da viadomaha režysiora
Akciorka ščyra raskazała pra stasunki z režysioram Cimam Biortanam. Monika kaža, što im vielmi pašancavała sustrecca.
U pačatku hoda źjavilisia čutki, što 64-hadovy režysior Cim Biortan zachapiŭsia akciorkaj Monikaj Biełučy. Paparacy ŭdałosia zrabić zdymki zakachanych padčas ich prahułki pa Paryžy. Akciorka i stvaralnik sieryjała «Uensdej» doŭhi čas nie kamientavali svaje stasunki. Tolki ciapier zorka filma «Malena» ščyra raskazała pra ich raman, jak piša Voice.
58-hadovaja akciorka dała intervju, dzie adkazała na šmatlikija pytańni pra toje, ci svabodnaje jaje serca. Monika pryznałasia: jana zakachanaja i ščaślivaja. Madel zapeŭniła, što ź vialikaj piaščotaj stavicca da vybrańnika i ŭskładaje vialikija nadziei na novaje pačućcio.
Biełučy vykazała mierkavańnie, što takija znajomstvy — vialikaja ŭdača, joj vielmi pašancavała. «Što ja mahu skazać? Ja rada znajomstvu z hetym čałaviekam. Heta adna z tych sustreč, jakija redka zdarajucca ŭ žyćci», — zajaviła akciorka.
Vykanaŭca roli Aleks u filmie «Niezvarotnaść» padkreśliła, što adčuvaje mocnyja i hłybokija emocyi. «Ja viedaju hetaha čałavieka. Ja kachaju jaho. Ciapier ja źbirajusia sustrakacca z režysioram. Pačynajecca jašče adna pryhoda», — skazała jana ŭ intervju dla francuzskaha ELLE.
Iskra pamiž znakamitaściami ŭspychnuła padčas 14-ha kiniematahrafičnaha fiestyvalu imia bratoŭ Lumjer, jaki adbyŭsia vosieńniu minułaha hoda. Jakraz padčas mierapryjemstva ich upieršyniu ŭbačyli ŭ kampanii adno adnaho. Jany zachoplena hutaryli i šmat času pravodzili razam.
Cim Biortan šmat hadoŭ byŭ žanaty z halivudskaj akciorkaj Chielenaj Bonem Karter. Ich ličyli idealnaj paraj. Ale ŭ 2014 hodzie jany raptam abviaścili pra razvod. Zorki zastalisia siabrami i damovilisia ab sumiesnaj apiecy nad dziećmi.
U 2013 hodzie Monika Biełučy raźviałasia ź Viensanam Kaselem, ź jakim pražyła ŭ šlubie 13 hadoŭ. U ich sajuzie na śviet źjavilisia dočki Dzieva i Leon. Akciory zastalisia ŭ dobrych stasunkach. Starejšaja dačka ŭpeŭniena idzie pa śladach maci — buduje paśpiachovuju karjeru madeli.
Kamientary
i znoŭ akciorka... režysior i akciorka... jaki nie
čakany sajuz)