Hramadstva66

«Heta niešta rodnaje, dušeŭnaje i blizkaje mnie». Apublikavali vyniki daśledavańnia, jak spažyŭcy staviacca da biełaruskamoŭnaj rekłamy

Mižnarodnaje ahienctva sacyjalnych i markietynhavych daśledavańniaŭ MAŚMI praviało apytańnie, kab vyśvietlić, jak žychary našaj krainy staviacca da rekłamy na biełaruskaj movie, paviedamlaje Myfin.by.

Fota ilustracyjnaje

Daśledavańnie było praviedziena viasnoj 2023 hoda i achapiła mužčyn i žančyn va ŭzroście ad 18 da 64 hadoŭ, jakija pastajanna žyvuć u haradach apytańnia (Minsk, abłasnyja centry i inš.). Usiaho ŭ daśledavańni ŭziali ŭdzieł 1000 čałaviek.

Mietad apytańnia — CAPI: asabistaje intervju strukturavanaha apytalnaha lista, raźmieščanaha na płanšecie ci smartfonie.

Daśledavańnie pakazała, što 39% apytanych staviacca stanoŭča da rekłamy na biełaruskaj movie (čaściej za astatnich — va ŭzrostavaj hrupie ad 55 da 64 hadoŭ). Pałova respandentaŭ niejtralna stavicca da takoj rekłamy, 9% vykazali svajo niehatyŭnaje staŭleńnie.

Akramia taho, 63% respandentaŭ adznačajuć, što tak ci inakš źviarnuli b uvahu na tavar z pamietaj «Kuplajcie biełaruskaje», «Zroblena ŭ Biełarusi». Prykładna 1/5 častka — nie źviartaje ŭvahi na padobnyja abaznačeńni.

Čaściej tavar z takoj paznakaj vybieruć žančyny i ŭzrostavaja hrupa ad 55 da 64 hadoŭ. Čaściej za astatnich źviartajuć uvahu na tavary z takoj paznakaj va ŭzrostavaj hrupie ad 45 da 54 hadoŭ, a nie źviartajuć — u hrupie ad 25 da 34 hadoŭ.

Respandenty bolš za ŭsio zhodnyja z takimi vykazvańniami, jak:

  • «Rekłama na biełaruskaj movie — heta niešta rodnaje, dušeŭnaje i blizkaje mnie»;

  • «Ja adčuvaju pavahu da kampanij, jakija stvarajuć rekłamu na biełaruskaj movie».

U toj ža čas respandenty ličać, što rekłama na biełaruskaj movie ničym nie adroźnivajecca ad inšaj rekłamy.

Čaściej za astatnich z vykazvańniem «Ja adčuvaju pavahu da kampanij, jakija stvarajuć rekłamu na biełaruskaj movie» zhodnyja žančyny i ŭzrostavaja hrupa ad 55 da 64 hadoŭ. Z tym, što rekłama na biełaruskaj movie maje bolš šancaŭ zapomnicca, čaściej za astatnich zhodnyja va ŭzrostavaj hrupie ad 45 da 54 hadoŭ.

Va ŭzrostavaj hrupie ad 55 da 64 hadoŭ čaściej za astatnich ličać rekłamu na biełaruskaj movie čymści rodnym, dušeŭnym i blizkim.

Respandenty taksama adznačajuć, što pry inšych roŭnych umovach źviernuć uvahu na tavar z nazvaj i rekłamaj (kamunikacyjaj) na ruskaj movie. A voś u situacyi z łahatypam praktyčna roŭnaja kolkaść — na łahatyp na ruskaj abo biełaruskaj movach.

Pry hetym čaściej łahatyp na ruskaj movie adznačaje maładoje pakaleńnie, a na biełaruskaj — uzrostavaja hrupa ad 45 da 54 hadoŭ.

Kamientary6

  • kum
    29.06.2023
    9% biełarsufabaŭ, heta šmat i što hałoŭnaje, hetyja 9% zajmajuć ŭsie vyšejšyja pasady i faktyčna kirujuć Biełaruśsiu. Kali ŭžo biełarusy buduć haspadarami na svajoj ziamli? 
  • Paliašuk
    29.06.2023
    Rekłama pa-biełarusku nie prosta rodnaja i dušeŭnaja, a jašče zapaminalnaja, kali nie skazać miemnaja. Dahetul majstar Joda z "čyzburhier hety nie treba tabie" uzhadvajecca. Ci prykoł z 2004, śviedkam jakoha byŭ: 9 traŭnia, Kastryčnickaja, pa joj špacyrujuć dva chłopcy, u adnaho ź ich - trubka ad stacyjanarnaha telefona z provadam, i jon niby zdymaje minakoŭ na telefon i pryhavorvaje: Samsunh Iks-Šassot, z ubudavanaj uspyškaj.))) Abyhrany adzin z papularnych rolikaŭ taho času.
    Biełaruskaje dobra zachodzić i adkładvajecca ŭ pamiaci. Ci nie heta patrebna rekłamščykam i markietołaham? Treba bolej našaha kantentu, a nie šeraha rasiejskaha surahata.
  • Nichoga novaga
    29.06.2023
    U Brazilii taksama ganaratstsa svaimi vyrabami - pishyts' Industria Brasiliera na rechah, y Argentsine - Industria Argentina, y Niamechhyne - Hergestellt in Deutschland. I tol'ki y pseudaintelligentsyi y Sinyavokay estsc' imperskia komleksy nepaurnavartastsi, tak zvanya intelektyaly lichats' Zroblena y Belarusi kaygasam.

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

Tramp: Niezrazumieła, ci zastałasia ŭ Irana jadziernaja prahrama3

«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki6

U Minsku źjavilisia «čystamaty». Što heta takoje i jak jany pracujuć?10

«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa31

Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ12

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić