Pad Baranavičami razburyli paštovuju stancyju. Padčas paŭstańnia Kalinoŭskaha tam byŭ štab paŭstancaŭ
Budynak znachodziŭsia na ŭskrainie vioski Miłavidy i byŭ adnoj z słavutaściaŭ nasielenaha punkta.
U čaćvier, 22 červienia, ad žycharoŭ vioski stała viadoma, što paštovuju stancyju, jakuju miascovyja čaściej nazyvali Biełym domam, razburyli, jak piša Bar24.by.
Paštovuju stancyju pabudavali na ŭskrainie vioski Miłavidy, na šašy Ivacevičy — Słuck, pa adnych danych, u 1843 hodzie, pa inšych — u 1846 hodzie. Tut možna było adpačyć, źmianić koniej, adramantavać paškodžany ekipaž.
Budynak cahlany, pabudavany pa typovym prajekcie darožnaha budaŭnictva ŭ styli kłasicyzmu z elemientami hotyki. Budynak składaŭsia z troch cahlanych prostavuholnych nakrytych šatrovymi dachami budynkaŭ, jakija ŭtvarajuć adzinuju P-padobnuju kampazicyju. Centralny budynak vychodziŭ na darohu hałoŭnym fasadam, słužbovyja — tarcami.
U centralnym korpusie mieścilisia žyłyja pamiaškańni dla puciejščykaŭ, kuchnia, kvatera nahladčyka, a ŭ bakavych karpusach — karetny dvor i chleŭ.
Da našych dzion zachavałasia niekalki pabudoŭ, siarod jakich samaj charakternaj ličyŭsia stancyjny dom. Heta adnapaviarchovy budynak z rysami kłasicyzmu (uklučajučy franton nad uvachodam).
Padčas paŭstańnia Kastusia Kalinoŭskaha (1863-1864 hh.) na Miłavidskaj paštovaj stancyi raźmiaščaŭsia adzin z paŭstanckich adździełaŭ. Taksama ŭ Miłavidach byŭ boj paŭstancaŭ z carskimi atradami.
Paštovaja stancyja była apisanaja viadomym etnohrafam Paŭłam Špileŭskim, jaki prajazdžaŭ pa Varšaŭskim trakcie i pakinuŭ uspaminy ŭ svajoj knizie «Padarožža pa Paleśsi i Biełaruskim krai».
Da niadaŭniaha času budynak paštovaj stancyi vykarystoŭvaŭsia jak ramontna-darožnaja ŭstanova.
— Navošta było razburać? Heta ž naša historyja. I sam budynak jašče prastajaŭ by šmat hadoŭ, — adznačyŭ adzin z žycharoŭ vioski.
Čytajcie taksama:
Biezhustoŭny znak na hary Dziaržynskaj pastaŭleny niezakonna. Vinavatych pryciahnuć da adkaznaści
Chistkaje stanovišča. Pad Minskam razvalvajecca rekanstrujavany Kurhan Słavy
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary