Hetym letam CineVoka, prajekt pa ahučvańni suśvietnaha kino na biełaruskuju movu, vypuścić niekalki navinak. Kłasika francuzskaha kino, paŭdniovakarejskaja drama, spahieci-viesterny, filmy dla ŭsioj siamji i mnohaje inšaje budzie vychodzić na praciahu dvuch miesiacaŭ pa piatnicach na videaservisie Voka, paviedamlaje sajt «Biełaruś i śviet».
U adpaviednym raździele na płatformie ŭžo sabrana bolš za 50 filmaŭ i sieryjałaŭ u biełaruskim dublažy, i hetaja ekskluziŭnaja kalekcyja pastajanna abnaŭlajecca. Tolki za najbližejšy miesiac videaservis prezientuje jašče vosiem filmaŭ.
Pieršymi navinkami červienia stali try spahieci-viesterny Sierdža Leone z Klintam Istvudam — «Za žmieniu dalaraŭ», «Na niekalki dalaraŭ bolš» i «Dobry, drenny, zły». Muzyku da ich napisaŭ Enia Marykone. Usia tryłohija ŭžo dastupnaja na Voka.
Pa-biełarusku zahavoryć i niaŭłoŭny złačynca Fantamas ź pieršaha filma adnajmiennaj tryłohii pra nievierahodnyja pryhody kamisara Žuva. Jahonaja premjera na videaservisie adbudziecca 23 červienia.
Dalej, 30 červienia, na płatformie vyjdzie «Robat Ary». Heta film dla ŭsioj siamji pra padletka, jaki pieraškadžaje złosnaj karparacyi pieratvaryć siabra-robata ŭ strašnuju zbroju.
Fanaty paŭdniovakarejskaha kino, jakoje nabiraje papularnaść, zmohuć pahladzieć u biełaruskim ahučvańni dramu «Zaŭsiody» pra kachańnie baksiora i ślapoj dziaŭčyny. Film vyjdzie na Voka 7 lipienia.
Narešcie, 14 i 21 lipienia budzie prezientavana jašče paru navinak dla siamiejnaha prahladu: kamiedyja «Džoŭi i Eła» pra pošuki kienhuru, jaki havoryć, i niezvyčajnaha ałmaza, a taksama treciaja častka viadomaj franšyzy «Dapamažycie, ja pamienšyŭ svaich siabroŭ».
Ciapier čytajuć
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio2
Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary