U Kruhłym znoŭ zatrymana Alina Horava — 30 maja joj prysudzili 1 hod «chatniaj chimii»
Joj staviać u vinu jašče adzin epizod udziełu ŭ mirnaj akcyi pratestu ŭ Minsku ŭ 2020 hodzie (art. 342 KK Biełarusi). Viadoma, što Alinu pavieźli ŭ miascovy adździeł Śledčaha kamiteta i adtul jana ŭžo nie vyjšła, paviedamlajuć pravaabaroncy.
Heta ŭžo druhi vypadak kryminalnaha pieraśledu 21-hadovaj dziaŭčyny. Pieršy raz jaje zatrymali ŭ kancy sakavika 2023 hoda pa ŭsio tym ža art. 342 KK, paśla čaho jana niekalki miesiacaŭ praviała ŭ SIZA.
U źniavoleńni ŭ Horavaj abvastryŭsia šerah chraničnych zachvorvańniaŭ. Uviečary 30 sakavika Alinie stała drenna, tamu joj vyklikali chutkuju dapamohu. Siłaviki nie dazvolili špitalizavać zatrymanuju, a ŭ mahiloŭskaj turmie ŭ miedycynskaj dapamozie joj admovili, niahledziačy navat na drennyja analizy. Turemny lekar admoviŭsia lačyć jaje antybijotykami i špitalizavać.
Kamientary