Siły abarony Ukrainy pačali «kontrnastupalnyja dziejańni» suprać rasijskich vojskaŭ, skazaŭ prezident Ukrainy Uładzimir Zialenski, adkazvajučy na pytańnie karespandentki vydańnia «Suśpilnie novini» padčas sumiesnaj z premjer-ministram Kanady Džaścinam Trudo pres-kanfierencyi ŭ Kijevie.
U pryvatnaści, karespandentka adznačyła, što viadučyja suśvietnyja vydańni pišuć pra pačatak ukrainskaha kontrnastupleńnia, a ŭ siecivie milhajuć fota i videa bajoŭ z udziełam novaj techniki, pieradadzienaj Ukrainie zachodnimi sajuźnikami. Akramia taho, napiaredadni prezident Rasii Uładzimir Pucin zajaviŭ, što Ukraina pačała kontrnastupleńnie.
«Cikava, što Pucin skazaŭ pra naša kontrnastupleńnie. Važna, što Rasija adčuvaje heta zaŭsiody, što im niadoŭha zastałosia, na maju dumku», — adznačyŭ Zialenski.
Paśla taho prezident Ukrainy paćvierdziŭ, što ŭkrainskija siły abarony viaduć kontrnastupleńnie suprać rasijskich vojskaŭ.
«Kontrnastupalnyja dziejańni adbyvajucca va Ukrainie. Na jakoj stadyi — ja nie budu kazać padrabiazna. Liču, što my heta ŭsio budziem adčuvać», — padkreśliŭ Zialenski.
Taksama jon zaklikaŭ daviarać tolki pravieranym i aficyjnym krynicam infarmacyi.
«Ja b nie daviaraŭ tym ci inšym telehram-kanałam. Asabliva Pucinu. Daviarać treba našym vajskoŭcam. Ja štodnia na suviazi z našymi kamandujučymi: Syrskim, Tarnaŭskim, Maskalovym, Najevym, Załužnym. Usie nastrojenyja pazityŭna. Tak i pieradajcie Pucinu», — padsumavaŭ Zialenski.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary
Prynamsi nia horš čym pry vyzvaleńni Charkaŭščyny i častki Chersonščyny