«30 čałaviek dastavili ź pieraachaładžeńniem, jość zahinułyja». Źjavilisia pieršyja źviestki pra paciarpiełych u Aleškach
Viadoma pra špitalizacyju niekalkich dziasiatkaŭ čałaviek, taksama jość achviary.
Źjavilisia pieršyja źviestki ab paciarpiełych ad pavodki ŭ Aleškach Chiersonskaj vobłaści ŭ vyniku zatapleńnia, piša UNIAN.
U balnicu ŭ horadzie Aleški dastavili 30 čałaviek ź pieraachaładžeńniem. Jość zahinułyja ŭ vyniku pavodki, ale pakul niemahčyma vyśvietlić ich kolkaść.
Miascovyja žychary nie mohuć vyjechać z akupavanaha i zatoplenaha horada, rasiejcy nie vypuskajuć ich i nie dajuć pierabracca ŭ navučalnyja ŭstanovy, jakija nie zatoplenyja.
Vajskoŭcy RF vyhaniajuć ludziej z suchich pamiaškańniaŭ i zasialajucca na vierchnija pavierchi šmatkvaternych damoŭ.
Pakul nie padtoplenym zastajecca centr Alešak. U niekatorych nasielenych punktach vada pačała adstupać, pra heta paviedamiła kiraŭnica Aleškaŭskaj administracyi Taćciana Hasanienka.
Kamientary