Łukašenka pamiłavaŭ Safiju Sapiehu. Jaje pieradali rasijskamu hubiernataru
Pamiłavanuju Alaksandram Łukašenkam hramadzianku Rasii Safiju Sapiehu pieradali 7 červienia z papraŭčaj kałonii ŭ Homieli delehacyi Prymorskaha kraja, jakuju ŭznačalvaje hubiernatar Aleh Kažamiaka, paviedamlaje BIEŁTA.
Aleh Kažamiaka, jaki znachodziŭsia ź dziaržaŭnym vizitam u Biełarusi, asabista sustreŭ jaje.
«Pa našym zvarocie ŭčora Alaksandr Ryhoravič padpisaŭ zahad ab pamiłavańni. Dumaju, što taki krok maje i dla ciabie značeńnie», — źviarnuŭsia da Safii Aleh Kažamiaka, piša BIEŁTA.
Sapieha padziakavała Łukašenku «za tuju mahčymaść, jakuju jon mnie daŭ», «za mahčymaść viarnucca dadomu», «za druhi šaniec».
«Jon [šaniec] dadzieny byŭ daloka nie šmatlikim, a mnie sapraŭdy vielmi pašancavała», — skazała Safija.
Aleh Kažamiaka pažadaŭ dziaŭčynie, «kab jaje dalejšaje žyćcio było ščaślivym».
«Niama ničoha lepšaha, čym na voli zajmacca lubimaj spravaj», — skazaŭ hubiernatar.
Anton Hašynski, advakat Sofji Sapiehi, paćvierdziŭ «Lusterku» jaje vyzvaleńnie.
— Sapraŭdy, jana vyzvalenaja i ŭžo palacieła ŭ Rasijskuju Fiederacyju, — skazaŭ Hašynski.
Jon taksama adznačyŭ, što Łukašenka padpisaŭ pamiłavańnie pa prašeńni kiraŭnika Prymorskaha kraju Aleha Kažamiaki, jaki asabista źviarnuŭsia da jaho. Pa słovach Hašynskaha, usio vyrašyłasia litaralna za tydzień.
Safija Sapieha razam z Ramanam Pratasievičam byli zatrymanyja 23 maja ŭ vyniku prymusovaj pasadki ŭ Minsku samalota Ryanair rejsam Afiny — Vilnia.
6 maja 2022 hoda Sapiehu asudzili da šaści hadoŭ kałonii. Sud pryznaŭ jaje vinavataj u raspalvańni sacyjalnaj varožaści, źlivie danych siłavikoŭ (sprava «Čornaj knihi Biełarusi»).
Raman Pratasievič byŭ asudžany 3 maja 2023 hoda na 8 hadoŭ kałonii ŭzmocnienaha režymu pa spravie Nexta. 22 maja jon byŭ pamiłavany.
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Pratasievič pryjšoŭ na intervju na kanał Sałaŭjova. U jaho spytali, ci zabiŭ by jon Puciłu
Pratasievič daŭ pakazańni na Safiju Sapiehu — «Baza»
«Šalona ŭdziačny krainie i asabista prezidentu». Raman Pratasievič pamiłavany
Kamientary