«Dynama», «Manreal», «Sočy», «Manhlerud», znoŭ «Dynama». Eks-zorka zbornaj Biełarusi pa chakiei znajšoŭ pracu
Zorka biełaruskaha chakieja Andrej Kaścicyn stanie namieśnikam načalnika spartyŭnaha adździeła i ŭznačalić skaŭcki kirunak u kłubie «Dynama-Minsk», pra heta paviedamlaje pres-słužba kłuba.
U Andreja bahataja karjera chakieista. Jon pravioŭ 398 matčaŭ u NCHŁ za «Manreal» i «Nešvił», nabraŭšy 222 (103+119) ački. U ACHŁ (druhaja pa ranžyry liha ŭ Paŭnočnaj Amierycy) z «Hamiltan Buldohz» Andrej staŭ uładalnikam Kubka Kołdera.
U KCHŁ Kaścicyn hulaŭ za minskaje «Dynama», «Traktar», «Sočy», «Kuńłuń», «Tarpieda». Taksama jon pahulaŭ u čempijanatach Biełarusi, Uschodniejeŭrapiejskaj chakiejnaj lihi, Rasii, Čechii, skončyŭ karjeru ŭ Narviehii (toj samy «Manhlerud»), a paśla viartańnia ŭ Minsk padtrymlivaŭ formu ŭ kamandzie Łukašenki.
Za zbornuju Biełarusi forvard vystupaŭ na vaśmi darosłych čempijanatach śvietu. Dvojčy pryznavaŭsia najlepšym chakieistam krainy (2008, 2020).
Kamientary