Mininfa papiaredziła «Našu Nivu», «Narodnuju volu», «KP v Biełarusi» i «Va-Bank»
Praŭda pra hryp vyklikała ŭ čynoŭnikaŭ razdražnieńnie? Ci zaprašeńnie da Miadźviedzieva? Inakš patłumačyć supadzieńnie čatyroch papiaredžańniaŭ ciažka.
Praŭda pra hryp vyklikała ŭ čynoŭnikaŭ razdražnieńnie? Ci zaprašeńnie da Miadźviedzieva? Inakš patłumačyć supadzieńnie čatyroch papiaredžańniaŭ ciažka.
Ministerstva infarmacyi vyniesła piśmovyja papiaredžańni čatyrom niedziaržaŭnym hazietam. Matyvacyja — «u suviazi z parušeńniami ŭ publikacyjach patrabavańniaŭ Zakona Respubliki Biełaruś «Ab srodkach masavaj infarmacyi».
Usim vydańniam ukazana na parušeńni roznych artykułaŭ Zakona, ale sutnaść ich adna: pra dastaviernaść infarmacyi.
U pryvatnaści, 16 listapada było vyniesienaje papiaredžańnie jurydyčnaj asobie, na jakuju ŭskładzienyja funkcyi redakcyi haziety «Naša Niva» — pra niedapuščalnaść parušeńnia artykułu 34 vyšejzhadanaha Zakona.
Zasnavalnik haziety «Va-bank'» i jurydyčnaja asoba, na jakoje ŭskładzienyja funkcyi redakcyi haziety, u toj samy dzień atrymali papiaredžańnie pra niedapuščalnaść parušeńnia artykułaŭ 14, 38 i 49.
17 listapada było vyniesienaje papiaredžańnie jurydyčnaj asobie, na jakuju ŭskładzienyja funkcyi redakcyi haziety «Narodnaja vola». Joj ukazvajuć na niedapuščalnaść parušeńnia artykułu 38 Zakona.
I jurydyčnaja asoba, na jakuju ŭskładzienyja funkcyi redakcyi haziety «Komsomolskaja pravda» v Biełoruśsii», papiaredžanaja Ministerstvam infarmacyi pra niedapuščalnaść parušeńnia artykułaŭ 4, 49 Zakona Riespubliki Biełaruś « Ab srodkach masavaj infarmacyi».
U papiaredžańniach ukazana vypravić u dziesiacidzionny termin parušeńni Zakona.
«Narodnaja vola» list z papiaredžańniem užo atrymała. U im havorka pra artykuł z zaklikam da vychadu na Płošču ŭ dzień prezidenckich vybaraŭ. «Našaj Nivie» list jašče nie dastavili.
Roznyja vydańni papiaredzili pa roznych artykułach, ale źmiest hetych artykułaŭ padobny: publikacyja niedastaviernaj infarmacyi ci inšych źviestak, što parušajuć prava.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary