Biełaruś i Rasija, niahledziačy na vajnu, stali hałoŭnymi pastaŭščykami rapsavaha šrotu dla krain ES
Raskazvajem, chto mienavita ź jeŭrapiejskich krain ciapier bolš za ŭsio impartuje biełaruski i rasijski korm dla sielskahaspadarčych žyvioł.
Biełaruś i Rasija stali hałoŭnymi pastaŭščykami rapsavaha šrotu na jeŭrapiejski rynak, niahledziačy na sankcyi i vajnu va Ukrainie. Pra heta paviedamiŭ ahracharčovy navinavy partał Lanțul Alimentar.
Pa infarmacyi partała, Jeŭrapiejski sajuz u pieryjad z 1 lipienia 2022 hoda pa 28 maja 2023 hoda ŭsiaho impartavaŭ kala 712,6 tysiačy ton rapsavaha šrotu, 563,1 tysiačy ton ź jakich (79,1%) pastavili Biełaruś i Rasija.
Pry hetym u anałahičny pieryjad 2021-2022 hadoŭ sumiesny pracent biełaruska-rasijskich pastavak składaŭ tolki 53,4%.
«Ciapier Rasija zajmaje pieršaje miesca pa pastaŭkach u Jeŭropu rapsavaha kormu dla sielskahaspadarčych žyvioł: u pieryjad ź lipienia 2022 pa maj 2023 kraina pradała ES 333,2 tysiačy ton hetaha kormu, što na 7,6% bolš, čym było ŭ anałahičnym pieryjadzie 2021-2022.
Biełaruś idzie śledam i ciapier zajmaje druhoje miesca: amal 230 tysiač ton u 2022-2023 suprać ŭsiaho tolki 73 tysiač ton u 2021-2022. Pry hetym Biełaruś zaniała miesca Ukrainy, jakaja da vajny była druhoj paśla Rasii pa pastaŭkach rapsavaha šrotu ŭ Jeŭropu», — piša partał Lanțul Alimentar.
Sam śpis asnoŭnych krain-pastaŭščykoŭ rapsavaha šrotu ŭ Jeŭropu na hety momant vyhladaje tak (pryvodzim pieršyja piać krain).
- Rasija — 46,8% doli rynku ES.
- Biełaruś — 32,3% doli rynku ES.
- Vialikabrytanija — 8,7% doli rynku ES.
- Ukraina — 8,4% doli rynku ES.
- Kazachstan — 1,8% doli rynku ES.
Ź jeŭrapiejskich krain bolš za ŭsio impartujuć rapsavy šrot Litva (kala 298 tysiač ton), Polšča (96,2 tysiačy ton) i Francyja (73,7 tysiačy ton).
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary