Kali ŭ vas jość ulikovy zapis Google, jaki vy daŭno nie vykarystoŭvali, ale chočacie zachavać jaho, to vam treba pakłapacicca pra toje, kab uvajści ŭ jaho znoŭ.
Kali vaš ulikovy zapis pracuje na praciahu dvuch hadoŭ, vy atrymajecie elektronny list z napaminam uvajści i zachavać jaho aktyŭnym. Usie akaŭnty, što byli nieaktyŭnymi jak minimum dva hady, buduć vydalenyja. Google razhladaje heta jak krok, jaki palapšaje kanfidencyjnaść, ale lohka razhladać heta jak mieru pa skaračeńni vydatkaŭ, kab vyzvalić miesca na siervierach Google.
Kožny ŭładalnik takoha nieaktyŭnaha akaŭnta atrymaje paviedamleńnie pa elektronnaj pošcie z papiaredžańniem pra deaktyvacyju, kali nie ŭvajści ŭ sistemu na praciahu nastupnych 60 dzion. Paśla deaktyvacyi ŭ karystalnika budzie jašče 60 dzion pierad kančatkovym vydaleńniem. Takim čynam, ahułam heta prykładna čatyry miesiacy, kab adnavić vaš ulikovy zapis, čaho tearetyčna maje chapić navat samym marudnym. Google zajaŭlaje, što vydaleńnie ŭlikovych zapisaŭ pačniecca nie raniej za śniežań 2023 hoda.
Kampanija budzie adpraŭlać elektronnyja listy z papiaredžańniami jak na ŭlikovy zapis, jakomu pahražaje vydaleńnie, tak i na ŭsie dadanyja vami elektronnyja listy dla adnaŭleńnia. Deaktyvacyja i vydaleńnie prymianiajucca da ŭsiaho, dla čaho vy vykarystoŭvajecie hety ŭlikovy zapis, uklučajučy Gmail, Huhł-Dysk, Dakumienty, YouTube, Google Fota, Meet i Kalandar. Jak paviedamlajecca, hetaja miera budzie tyčycca tolki asabistych ulikovych zapisaŭ.
Niahledziačy na toje, što zajaŭlenaja kampanijaj pryčyna, źviazanaja z abaronaj kanfidencyjnaści, moža być prosta zručnym sposabam paźbiehnuć słoŭ «My chočam aščadzić hrošy», u takim abhruntavańni ŭsio ž jość peŭny sens. U dadatak da adsutnaści aktualnych parolaŭ, u zakinutych ulikovych zapisach u dziesiać razoŭ mienš šancaŭ naładzić dvuchfaktarnuju aŭtentyfikacyju, što robić ich bolš uraźlivymi dla kradziažu, tłumačyć Engaget.
U Google jość veb-instrumient, jaki dazvalaje paźbiehnuć vydaleńnia ŭlikovaha zapisu: mieniedžar nieaktyŭnych ulikovych zapisaŭ. Hety instrumient moža čaściej papiaredžvać vas ab biaździejnych ulikovych zapisach, dazvalajučy vam lepš kantralavać, što adbyvajecca z vašymi źviestkami. Tam vy možacie vybrać davieranyja kantakty, kab papiaredzić abo navat spampavać danyja z vašaha ŭlikovaha zapisu, kali jon znachodzicca pad pahrozaj deaktyvacyi.
Da taho ž vy možacie ekspartavać danyja z vašaha akaŭnta zahadzia (kab stvaryć reziervovuju kopiju ci dla vykarystańnia ich u inšym servisie), vykarystoŭvajučy staruju funkcyju Google Takeout.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary