Paplečnica Viačasłava Siŭčyka zajaviła, što na jaho napali pad Varšavaj
«Tvar zality hazam, vočy nie raspluščvajucca», napisała Alena Tałstaja.
«Učora viečaram kala doma, dzie ciapier pražyvaje Viačasłaŭ Siŭčyk, troje nieviadomych napali na jaho. Raspyliŭšy ŭ tvar Viačasłavu hazavy bałončyk, napadniki źnikli razam ź jaho telefonam. Adpaviednaja zajava ŭ palicyju pastupiła. Pra sposab suviazi ź Viačasłavam i jaho stan paviedamlu paźniej», — napisała ŭ svaim fejsbuku jaho paplečnica pa arhanizacyi «Razam» Alena Tałstaja.
«Ja była na suviazi, bo nie viedaju, ci jość uvohule miesca, dzie Siŭčyk moža być u biaśpiecy», — dadała jana.
«Čuła ŭsio ŭ «žyvym efiry». Nie prasili papiarosku, nie čaplalisia, źnianacku napali, i hałoŭnaje — absalutna moŭčki. Viačasłaŭ paśpieŭ skazać: «Na mianie napali!» — i dalej huki bojki i vałtuźni, a potym sapieńnie čałavieka, što bieh z telefonam, i źnikła suviaź», — piša jana.
Viačasłaŭ Siŭčyk, u 1990-ja adzin ź lidaraŭ Partyi BNF, paśla doŭhi čas uznačalvaŭ supołku «Razam».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
https://d2accbiqacj5y8.cloudfront.net/317571